ആലപ്പുഴ: കൊവിഡുമായി ബന്ധപ്പെട്ട് ജില്ലയിൽ നിരീക്ഷണത്തിലുള്ളത് 6,895 പേർ. അഞ്ചു പേർക്ക് ജില്ലയിൽ രോഗം സ്ഥിരീകരിച്ചിരുന്നെങ്കിലും മൂന്ന് പേർ മാത്രമേ ഇപ്പോൾ ചികിത്സയിലുള്ളൂ. രണ്ടു പേർ രോഗവിമുക്തരായി.

10 പേരാണ് ആശുപത്രികളിൽ നിരീക്ഷണത്തിലുള്ളത്. ആറുപേർ ആലപ്പുഴ മെഡിക്കൽ കോളേജ് ആശുപത്രിയിലും ഒരാൾ ഹരിപ്പാട് താലൂക്ക് ആശുപത്രിയിലും മൂന്ന്‌പേർ കായംകുളം ഗവ. ആശുപത്രിയിലുമാണ് കഴിയുന്നത്. 209 പേർക്കാണ് ഇന്നലെ ഹോം ക്വാറന്റൈൻ നിർദ്ദേശിച്ചത്. ഇന്നലെ ഫലമറിഞ്ഞ 25 സാമ്പിളുകളും നെഗറ്റീവ് ആണ്.