ആലപ്പുഴ: ലോക്ക് ഡൗൺ ലംഘനത്തിന് ജില്ലയിൽ ഇന്നലെ 208 കേസുകൾ രജിസ്റ്റർ ചെയ്തു. 273 പേർ പകർച്ചവ്യാധി നിയന്ത്രണ നിയമ പ്രകാരം അറസ്റ്റിലായി. 84 വാഹനങ്ങൾ പിടിച്ചെടുത്തു. ക്വാറന്റൈൻ ലോക്ക്ഡൗൺ ലംഘിച്ചതിന് 12 കേസുകളിൽ 33 പേർക്കെതിരെയും വ്യാജ സത്യവാങ്മൂലം ഉപയോഗിച്ച് യാത്ര ചെയ്തതിന് 29 പേർക്കെതിരെയും സത്യവാങ് മൂലം ഇല്ലാതെ യാത്രചെയ്തതിന് 25 പേർക്കെതിരെയുമാണ് കേസ്. ചാരായ നിർമ്മാണത്തിന് എട്ട് പേർക്കും ചീട്ടുകളിയുമായി ബന്ധപ്പെട്ട അഞ്ചു കേസുകളിൽ 17 പേർക്കും അനുവാദം ഇല്ലാതെ കടകൾ തുറന്നതിന് 21 പേർക്കും നിരോധിത പുകയില ഉത്പന്നങ്ങൾ വിറ്റതിന് നാലു പേർക്കുമെതിരെ കേസെടുത്തു.