ആലപ്പുഴ: ലോക്ക് ഡൗണിനെത്തുടർന്ന് വിജനമായ റോഡിൽ അമിതവേഗത്തിലും അശ്രദ്ധയിലും പായുകയായിരുന്ന ലോറികൾ കൂട്ടിയിടിച്ച് ഒരാൾ മരിച്ചു. ഇരു ലോറികളിലുമായി മൂന്നുപേർക്ക് പരിക്കേറ്റു. ആലപ്പുഴ നഗരത്തിൽ കോൺവെന്റ് സ്ക്വയർ ജംഗ്ഷന് സമീപം ഗ്യാസ് സിലിണ്ടറുകൾ കയറ്റിവന്ന ലോറികളാണ് കൂട്ടിയിടിച്ചത്.

ചൊവ്വാഴ്ച്ച രാത്രി പത്തരയോടെയുണ്ടായ അപകടത്തിൽ ഡ്രൈവർ കായംകുളം കൃഷ്ണപുരം പാലസ് വാർഡ് വള്ളിഭവനത്തിൽ രാജേഷ് (കണ്ണൻ- 41) ആണ് മരിച്ചത്. കിഴക്കുഭാഗത്തുനിന്ന് ജംഗ്ഷനിലേക്കും എറണാകുളം ഭാഗത്തു നിന്ന് കൊല്ലത്തേക്കും വരികയായിരുന്ന ലോറി കളാണ് കൂട്ടിയിടിച്ചത്. നാട്ടുകാർ എല്ലാവരെയും ആലപ്പുഴ മെഡി. ആശുപത്രിയിൽ എത്തിച്ചെങ്കിലും രാജേഷിനെ രക്ഷിക്കാനായില്ല. ഭാര്യ: രമ്യ. മക്കൾ: അരവിന്ദ്, അശ്വന്ദ്.