ആലപ്പുഴ: കൊവിഡിൽ ദുരിതത്തിലായ പ്രവാസികളെ നാട്ടിലെത്തിക്കണമെന്നു ആവശ്യപ്പെട്ട് ജനത പ്രവാസി കൾച്ചറൽ സെന്റർ സംസ്ഥാന കമ്മിറ്റിയുടെ ആഹ്വനപ്രകാരം ജില്ലയിൽ ജെ.പി.സി.സി നേതാക്കൾ ഉപവാസ സമരം സംഘടിപ്പിച്ചു. സാമൂഹിക അകലം പാലിച്ച് ആലപ്പുഴയിലും കായംകുളത്തും പ്രവാസി ജില്ലാ നേതാക്കൾ അവരവരുടെ വീടുകളിലുമായിട്ടാണ് ഉപവാസ സമരം നടത്തി​യത്. ആലപ്പുഴ ഹാരിസ് ഭവനിൽ നടന്ന ഉപവാസ സമരം ലോക് താന്ത്രിക് ജനതാദൾ സംസ്ഥാന ജനറൽ സെക്രട്ടറി ഷെയ്ഖ് പി.ഹാരിസ് വീഡിയോ കാളിലൂടെ ഉദ്ഘാടനം ചെയ്തു.
ഉപവാസ സമരത്തിന്റെ സമാപനം നാരങ്ങാ നീര് നൽകി ജെ.പി.സി.സി സംസ്ഥാന വൈസ് പ്രസിഡന്റ് നസീർ പുന്നക്കൽ ഉദ്ഘാടനം ചെയ്തു. രാധാകൃഷ്ണൻ കളർകോട്, ഹുസൈൻ കളീക്കൽ, അബു മാളിയേക്കൽ, എം.കെ.നവാസ്, എം.കെ.ജമാൽ, എ.ഹബീബ്, അസീം വട്ടപ്പള്ളി, അജയൻ കല്ലേലി തുടങ്ങിയ പ്രവാസി നേതാക്കൾ ജില്ലയിലെ ഉപവാസ സമരത്തിൽ പങ്കെടുത്തു.
എൽ.ജെ.ഡി സംസ്ഥാന കൗൺസിൽ അംഗം സാദിക്ക് എം മാക്കിയിൽ, യുവജനതാദൾ സംസ്ഥാന ജനറൽ സെക്രട്ടറി അഡ്വ. പി.എസ്.അജ്മൽ, മുജീബ് റഹുമാൻ പല്ലന, എ.ആർ.ഫാസിൽ എന്നിവർ സംസാരിച്ചു.