മാവേലിക്കര: സ്ത്രീ പീഢനക്കേസി​ൽ ആരോപണ വി​ധേയനായ അഡ്വ.മുജീബ് റഹ്മാനെ ഉടൻ അറസ്റ്റ് ചെയ്യണമെന്നാവശ്യപ്പെട്ട് ഹിന്ദു ഐക്യവേദി ആഹ്വാനം ചെയ്തിരിക്കുന്ന പരാതി ചലഞ്ച് എന്ന പരിപാടിയുടെ ഉദ്ഘാടനം ഡി.ജി.പിയുടെ ഔദ്യോഗിക ഇ മെയിലിലേക്ക് പരാതി അയച്ച് ഹിന്ദു ഐക്യവേദി സംസ്ഥാന സഹ സംഘടനാ സെക്രട്ടറി വി.സുശികുമാർ നിർവഹിച്ചു.

ഓച്ചിറ പൊലീസ് സ്റ്റേഷനിൽ രജിസ്റ്റർ ചെയ്തിട്ടുള്ള ബലാത്സംഗം ഉൾപ്പെടെയുള്ള ഗുരുതരമായ കുറ്റകൃത്യങ്ങൾ ഉള്ള കേസിൽ അറസ്റ്റ് വൈകുന്നത് പ്രതി​ഷേധാർഹമാണ്. ഇയാളെ ഉടൻ അറസ്റ്റ് ചെയ്യണമെന്ന് ആവശ്യപ്പെട്ട് കേരള പൊലീസ് മേധാവിക്ക് ആയിരങ്ങൾ പരാതി അയക്കുക എന്നതാണ് പരിപാടിയിലൂടെ ഉദ്ദേശിക്കുന്നതെന്ന് വി.സുശികുമാർ പറഞ്ഞു.