ആലപ്പുഴ: ലോക്ക് ഡൗൺ ലംഘനവുമായി ബന്ധപ്പെട്ട് ജില്ലയിൽ 151 കേസുകളിലായി 257 പേരെ അറസ്റ്റ് ചെയ്തു. ഇന്നലെ നിരത്തിലിറങ്ങിയ 84 ഒറ്റ അക്ക വാഹനങ്ങൾ പിടിച്ചെടുത്തു. വാഹനങ്ങളുടെ എണ്ണം വർദ്ധിച്ചതിനെത്തുടർന്ന് റോഡിൽ പൊലീസ് ബാരിക്കേഡുകൾ സ്ഥാപിച്ച് തുടങ്ങി. സാമൂഹിക അകലം പാലിക്കാത്തതിന് 115 പേർക്കെതിരെയും മാസ്ക് ധരിക്കാത്തതിന് 21 പേർക്കെതിരെയും കേസെടുത്തു. അനധികൃത മദ്യ നിർമ്മാണം നടത്തിയ 9 പേർക്കെതിരെയും ഇളവ് അനുവദിക്കാത്ത കടകൾ തുറന്ന് പ്രവർത്തിപ്പിച്ച 5 പേർക്കെതിരെയും കേസ് രജിസ്റ്റർ ചെയ്തു.