കായംകുളം: സ്വാതന്ത്യസമര സേനാനിയും കമ്മ്യൂണിസ്റ്റ് വിപ്ലവകാരിയും ഗ്രന്ഥകാരനുമായിരുന്ന പുതുപ്പള്ളി രാഘവന്റെ ഓർമ്മയ്ക്കായി അദ്ദേഹത്തിന്റെ ഫാമിലി ട്രസ്റ്റ്, പൊതുരംഗത്തു പ്രവർത്തിക്കുന്നവർക്കായി ഏർപ്പെടുത്തിയ 2020 ലെ പുരസ്കാരം മന്ത്രി ജി.സുധാകരന് സമ്മാനിക്കും.

ട്രസ്റ്റ് അംഗങ്ങളായ ഷീലാ രാഹുലൻ, ശോഭാ സതീശൻ, ഷാജി ശർമ്മ, പവിത്രൻ വി എന്നിവരടങ്ങിയ ജൂറിയാണ് പുരസ്കാര ജേതാവിനെ തിരഞ്ഞെടുത്തത്.25,000 രൂപയും ശില്പവും അടങ്ങുന്നതാണ് അവാർഡ്. പുതുപ്പള്ളി രാഘവന്റെ ചരമ ദിനമായ ഏപ്രിൽ 27നാണ് എല്ലാ വർഷവും സമ്മാനിക്കുന്നത്. ഈ വർഷം കൊവിഡ് ഭീഷണി നിലനിൽക്കുന്നതിനാൽ അവാർഡ്ദാനം പിന്നീട് നടക്കും.