ആലപ്പുഴ: ലോക്ക് ഡൗൺ ലംഘനത്തിന് ജില്ലയിൽ ഇന്നലെ 232 കേസുകൾ രജിസ്റ്റർ ചെയ്തു. 292 പേർ പകർച്ചവ്യാധി നിയന്ത്രണ നിയമ പ്രകാരം അറസ്റ്റിലായി.

ഇരട്ടഅക്ക വാഹനവുമായി നിരത്തിലിറങ്ങിയ 91വാഹനങ്ങൾ പിടിച്ചെടുത്ത് രജിസ്റ്റർ ചെയ്ത കേസിൽ 36,000 രൂപ പിഴ ഈടാക്കി. ലോക്ക് ഡൗൺ ലംഘനം നടത്തിയതിന് 27 കേസുകളിൽ 115 പേർക്കെതിരെയും മാസ്‌ക് ധരിക്കാതെ പുറത്തിറങ്ങിയതിന് 29 പേർക്കെതിരെയും കേസെടുത്തു. ചാരായ നിർമ്മാണത്തിൽ ഏർപ്പെട്ടതിന് നാലു കേസുകളിൽ 11 പേർക്കും അനുവാദം ഇല്ലാതെ കടകൾ തുറന്നതിന് 13 പേർക്കും നിരോധിത പുകയില ഉത്പന്നങ്ങൾ വിറ്റതിന് നാലു പേർക്കും ചീട്ടുകളിയുമായി ബന്ധപ്പെട്ട് 29 പേർക്കും എതിരെ കേസെടുത്തു.