ആലപ്പുഴ: ലോക്ക് ഡൗൺ ലംഘനത്തിന് ജില്ലയിൽ ഇന്നലെ 228 കേസുകൾ രജിസ്റ്റർ ചെയ്തു. 236 പേർ പകർച്ചവ്യാധി നിയന്ത്രണ നിയമ പ്രകാരം അറസ്റ്റിലായി.

ഇരട്ടഅക്ക നമ്പരുമായി നിരത്തിലിറങ്ങിയ 149 വാഹനങ്ങൾ പിടിച്ചെടുത്ത് രജിസ്റ്റർ ചെയ്ത കേസിൽ 1,60,075 രൂപ പിഴ ഈടാക്കി. ലോക്ക് ഡൗൺ ലംഘനം നടത്തിയതിന് എഴ് കേസുകളിൽ 26 പേർക്കെതിരെയും മാസ്‌ക് ധരിക്കാതെ പുറത്തിറങ്ങിയതിന് 27 പേർക്കെതിരെയും കേസെടുത്തു. ചാരായ നിർമ്മാണത്തിന് മൂന്ന് കേസുകളിൽ ഏഴുപേർക്കും അനുവാദം ഇല്ലാതെ കടകൾ തുറന്നതിന് 11പേർക്കും നിരോധിത പുകയില ഉത്പന്നങ്ങൾ വിറ്റതിന് ആറു പേർക്കും മയക്കുമരുന്ന് വില്പന നടത്തിയതിന് മൂന്നു പേർക്കും ചീട്ടുകളിയുമായി ബന്ധപ്പെട്ട് ഏഴ് പേർക്കും എതിരെ കേസെടുത്തു.