ആലപ്പുഴ:ഭക്ഷ്യ വസ്തുക്കളും പഴം, പച്ചക്കറി ഉൾപ്പെടെയുള്ള എല്ലാ അവശ്യ വസ്തുക്കളും വിൽക്കുന്ന കടകൾ രാവിലെ 7 മുതൽ വൈകിട്ട് 7വരെ പ്രവർത്തിക്കാമെന്ന് കളക്ടർ അറിയിച്ചു. ഉപഭോക്താക്കൾക്ക് സോപ്പ് ഉപയോഗിച്ച് കൈ കഴുകാൻ സൗകര്യവും സാനിട്ടൈസർ ഉപയോഗത്തിനുള്ള സൗകര്യവും സാമൂഹിക അകലം പാലിക്കാൻ ഉള്ള സംവിധാനവും ഉണ്ടായിരിക്കണം.
തുറക്കാൻ പാടില്ലാത്തവ: വിദ്യാഭ്യാസ സ്ഥാപനങ്ങൾ, പരിശീലന കേന്ദ്രങ്ങൾ, പാർക്കുകൾ, ജിംനേഷ്യങ്ങൾ, കായികകേന്ദ്രങ്ങൾ, വിനോദകേന്ദ്രങ്ങൾ, ആഡിറ്റോറിയങ്ങൾ, അസംബ്ലിഹാളുകൾ
സാമൂഹ്യ, രാഷ്ട്രീയ, കായിക, വിനോദ, വിദ്യാഭ്യാസ, സാംസ്‌കാരിക, ആത്മീയ കൂട്ടായ്മകളും മറ്റ് കൂടിച്ചേരലുകളും. അങ്കണവാടികൾ (പോഷകാഹാര വിതരണം 15 ദിവസത്തിലൊരിക്കൽ വീടുകളിൽ),
ബാർബർ ഷോപ്പുകൾ, ലേഡിസ്റ്റോറുകൾ, ബ്യൂട്ടി പാർലറുകൾ, ടെക്‌സ്‌റ്റൈലുകൾ, സ്റ്റുഡിയോകൾ, ചെരിപ്പുകടകൾ, ജൂസ് കടകൾ, തട്ടുകടകൾ, തയ്യൽക്കടകൾ, ചായയും പാനീയങ്ങളും വിൽക്കുന്ന പെട്ടിക്കടകൾ
റോഡരികിൽ എണ്ണയിൽ വറുത്ത് നൽകുന്ന ഭക്ഷ്യവസ്തുക്കളുടെ വില്പന, സ്വർണ്ണക്കടകൾ, പുകയിലയുടെ ഉപയോഗവും വില്പനയും, ഫോട്ടോകോപ്പി/ പ്രിന്റിംഗ് കടകൾ, ഇന്റർനെറ്റ് കഫെകൾ