ചേർത്തല: കൊവിഡ് പ്രതിരോധ പ്രവർത്തനങ്ങളിൽ ഏർപ്പെട്ടിരിക്കുന്ന പൊലീസ് സേനാഗംങ്ങൾക്കും ആരോഗ്യ വകുപ്പിലെ ജീവനക്കാർക്കും ഇന്ത്യൻ റെഡ് ക്രോസ് സൊസൈ​റ്റി ചേർത്തല സബ് ഡിസ്ട്രിക്ട് ബ്രാഞ്ച് കമ്മിറ്റിയുടെ നേതൃത്വത്തിൽ സോഫ്​റ്റ് ഡ്രിങ്കുകൾ വിതരണം ചെയ്തു. താലൂക്കിലെ വിവിധ പൊലീസ് സ്​റ്റേഷനുകൾ,പരിശോധന കേന്ദ്രങ്ങൾ,പ്രാഥമികാരോഗ്യ കേന്ദ്രങ്ങൾ എന്നിവിടങ്ങളിലായിരുന്നു വിതരണം. താലൂക്ക്തല വിതരണോദ്ഘാടനം ചേർത്തല തഹസീൽദാർ ആർ.ഉഷ നിർവഹിച്ചു. റെഡ് ക്രോസ് താലൂക്ക് ചെയർമാൻ പി.പി.രാജേന്ദ്രൻ, വൈസ് ചെയർമാൻ സുരേഷ് മാമ്പറമ്പിൽ, സെക്രട്ടറി വി.എക്‌സ്. ബിനുമോൻ, ജോയിന്റ് സെക്രട്ടറി വി.എക്‌സ്.ബിജുമോൻ, മാനേജിംഗ് കമ്മി​റ്റി അംഗങ്ങളായ ബാബു മുള്ളൻചിറ,സീമ രാജു, അഞ്ജു ആന്റണി,അൻജിത്ത് സുരേന്ദ്രൻ എന്നിവർ നേതൃത്വം നൽകി.