അമ്പലപ്പുഴ: ഇടവേളയ്ക്ക് ശേഷം ആലപ്പുഴ മെഡിക്കൽ കോളേജ് ആശുപത്രിയിലെ ഒ .പി വിഭാഗത്തി​ൽ ഇന്നലെ രോഗി​കളുടെ തി​രക്കേറി​.അസ്ഥി വിഭാഗം, ശസ്ത്രക്രിയ വിഭാഗം, മെഡിസിൻ വിഭാഗം ഒ.പികൾ പ്രവർത്തിക്കുന്നുണ്ടെങ്കിലും, അടിയന്തര ചികിത്സ ആവശ്യമില്ലാത്തവർ എത്തരുതെന്നാണ് കർശന നിർദ്ദേശം നൽകിയിരുന്നെങ്കി​ലും ഇന്നലെ എല്ലാ വി​ലക്കുകളും ലംഘി​ക്കപ്പെട്ടു. അത്യാവശ്യ ചികിത്സ ആവശ്യമില്ലാത്തവരുമാണ് വന്നവരി​ലേറെയും. ജില്ലയിൽ ലോക്ക് ഡൗണിന് ഇളവു വന്നതാണ് ഇതിന് കാരണമായി ചൂണ്ടിക്കാണിക്കപ്പെടുന്നത്. മാസ്ക്ക് ധരി​ക്കാതെയാണ് ഭൂരി​ഭാഗവും എത്തി​യത്. ഇതും ആശങ്ക ഉളവാക്കി. 100 ഓളം പേരാണ് അകലം പാലിക്കാതെ രണ്ട് നിരകളിലായി ഫാർമസിയിൽ മരുന്നു വാങ്ങാൻ നിന്നത്.

രോഗികൾ കൂട്ടമായി എത്തുന്നത് കോവിഡ് വ്യാപനത്തി​ന് കാരണമാകുമോ എന്ന ഭയത്തിലാണ് ആശുപത്രി ജീവനക്കാർ.