ചേർത്തല: ലോക്ക് ഡൗൺ കാലത്ത് ശ്രീനാരായണ എംപ്ലോയീസ് ഫോറവും ശ്രീനാരായണ പെൻഷനേഴ്‌സ് കൗൺസിലും സംയുക്തമായി സംഘടിപ്പിക്കുന്ന ഗുരുവന്ദനം പരിപാടിയുടെ മൂന്നാം ഘട്ട മത്സരങ്ങൾ നാളെ ആരംഭിക്കും. പ്രസംഗം,ചിത്രരചന,ആലാപനം,ഉപന്യാസ രചന എന്നിവയിലാണ് മത്സരം. ഒന്നുമുതൽ അഞ്ചുവരെ പ്രസംഗ മത്സരവും 6 മുതൽ 10 വരെ ചിത്രരചന മത്സരവും11 മുതൽ 15 വരെ ആലാപന മത്സരവും 16 മുതൽ 30 വരെ ഉപന്യാസ രചന മത്സരവും നടത്തും.

 പ്രസംഗമത്സരം

5 വയസു മുതൽ 10 വരെ, 11 മുതൽ 17 വയസ് വരെ സബ് ജൂനിയർ,ജൂനിയർ വിഭാഗങ്ങളിൽ മത്സരം. വിഷയം ശ്രീനാരായണ ഗുരുദേവന്റെ പഞ്ചശുദ്ധിയും, കൊറോണ വൈറസ് പ്രതിരോധവും (4 മിനിട്ട്). 18 മുതൽ 30 വയസു വരെയുള്ള സീനിയർ വിഭാഗത്തിന് പഞ്ചശുദ്ധിയും വർത്തമാനകാല സാഹചര്യവും (5 മിനിട്ട്)

ചിത്രരചന

5 മുതൽ10 വയസു വരെയും 11 മുതൽ 17 വയസു വരെയും. ശ്രീനാരായണ ഗുരുദേവൻ എന്നതാണ് വിഷയം. സീനിയർ വിഭാഗത്തിന്റെ വിഷയം ശ്രീനാരായണ ഗുരുദേവന്റെ അരുവിപ്പുറം പ്രതിഷ്ഠ

 ഗ്രാമവൃക്ഷത്തിലെ കുയിൽ ആലാപന മത്സരം

15 വയസു മുതൽ 25 വരെയും 26ന് മുകളിലുമുള്ളവർ. കൃതിയിലെ ആദ്യത്തെ പത്ത് പദ്യങ്ങൾ ആലപിച്ച് www.snsamabhavana.in എന്ന വെബ്‌സൈ​റ്റിൽ ശബ്ദസന്ദേശമായി അപലോഡ് ചെയ്യണം.

 ഉപന്യാസ രചന

15 വയസു മുതൽ 25 വരെയും 26 ന് മുകളിലും ഉള്ളവർക്കും മത്സരിക്കാം. ഉപന്യാസം കൈയെഴുത്ത് പ്രതിയാണെങ്കിൽ 8 പേജുകളിലായി പരമാവധി 500 വാക്കിൽ കൂടരുത്. അന്തർദേശീയ തലത്തിൽ സംഘടിപ്പിക്കുന്ന മത്സരമായതിനാൽ മേയ് 30 ന് ഇന്ത്യൻ സമയം രാത്രി 12 വരെ അപ് ലോഡ് ചെയ്യാം. 3 ഘട്ടങ്ങളായാണ് ഉപന്യാസ രചന മത്സരം. ഒന്നും രണ്ടും മൂന്നും സ്ഥാനങ്ങൾ നേടുന്നവർക്ക് മികച്ച സമ്മാനങ്ങൾ നൽകും.മറ്റുള്ളവർക്ക് പ്രോത്സാഹന സമ്മാനങ്ങളും വിതരണം ചെയ്യും.കൂടുതൽ വിവരങ്ങൾക്ക്: പി.വി.രജിമോൻ(9446040661), എസ്.അജുലാൽ(9446526859).