ആലപ്പുഴ:സഹപ്രവർത്തകന്റെയും പ്രിയപ്പെട്ട ഗുരുനാഥന്റെയും ജോലിയിൽ നിന്നുള്ള വിരമിക്കൽ ചടങ്ങിനായി കരുതിയിരുന്ന തുക മുഖ്യമന്ത്റിയുടെ ദുരിതാശ്വാസ നിധിയിലേക്ക് നൽകി ആലപ്പുഴ മെഡിക്കൽ കോളേജിലെ ഡോക്ടർമാരും വിദ്യാർത്ഥികളും.

ദീർഘകാലം ആതുരസേവന മേഖലയിൽ പ്രവർത്തിച്ച ആലപ്പുഴ മെഡിക്കൽ കോളേജിലെ ജനറൽ മെഡിസിൻ വിഭാഗം മേധാവി ടി. ഡി ഉണ്ണികൃഷ്ണൻ കർത്തക്ക് യാത്രയയപ്പ് നൽകാൻ ഡോക്ടർമാരും വിദ്യാർത്ഥികളും ചേർന്നു സ്വരൂപിച്ച 1,07,701 രൂപയാണ് ജില്ലാ കളക്ടർ എം. അഞ്ജനക്ക് കൈമാറിയത്. ആരോഗ്യ പ്രവർത്തകരടക്കം രാപകലില്ലാതെ കൊറോണക്കെതിരെയുള്ള പ്രതിരോധത്തിൽ അക്ഷീണം പ്രവർത്തിക്കുമ്പോൾ ആഘോഷങ്ങൾക്കല്ല ഇത്തരം സഹായങ്ങൾക്കാണ് പ്രാധാന്യം നൽകുന്നതെന്ന് തുക കൈമാറിയ ശേഷം ഡോ : ടി. ഡി ഉണ്ണികൃഷ്ണൻ കർത്ത പറഞ്ഞു. മെഡിക്കൽ കോളേജ് ആശുപത്റി സൂപ്രണ്ട് ഡോ : ആർ. വി രാംലാലിനൊപ്പം എത്തിയാണ് ഡോ : കർത്ത കളക്ടർക്ക് തുക കൈമാറിയത്.