കായംകുളം: കണ്ടല്ലൂിന്റെ ഗുരുനാഥൻ കഴിഞ്ഞ ദിവസം നിര്യാതനായ പുതിയവിള വിദ്യാനിവാസിൽ വി.വിദ്യാധരൻ സാറിന്റെ സ്മരണാർത്ഥം കുടുംബാംഗങ്ങൾ കണ്ടല്ലൂർ ഗ്രാമപഞ്ചായത്ത് സാമൂഹ്യ അടുക്കളയിലേക്ക് ധനസഹായം നൽകി.

കണ്ടല്ലൂർ വടക്ക് മുകുന്ദ വിലാസം എൽ .പി . സ്കൂൾ റിട്ട. ഹെഡ്മാസ്റ്റർ ആയിരുന്നു അദ്ദേഹം. ഞായറാഴ്ചത്തെ സഞ്ചയനം ചടങ്ങുകൾ മാത്രമാക്കി​യാണ് സഹായം നൽകിയത്. വാർഡ് മെമ്പർ ബി.ഉദയഭാനു, ബ്ലോക്ക് പഞ്ചായത്ത് ക്ഷേമകാര്യ സ്റ്റാൻ്റിംഗ് കമ്മി​റ്റി ചെയർപേഴ്സൺ അംബുജാക്ഷി എന്നിവർ ചേർന്ന് മകൻ കൊപ്പാറേത്ത് ഹയർ സെക്കൻഡറി സ്കൂൾ അദ്ധ്യാപകൻ വി.അനിൽ ബോസിൽ നിന്നും തുക ഏറ്റുവാങ്ങി.