മാവേലിക്കര: തൊഴിലാളി ദിനം ലോക്ക് ഔട്ട് നിയമങ്ങൾക്ക് വിധേയമായി ലളിതമായി ആചരിക്കുമെന്ന് ഐ.എൻ.ടി​.യു.സി ജില്ലാ പ്രസിഡന്റ് ജി.ബൈജു അറിയിച്ചു. മേയ്ദിന റാലികളോ സമ്മേളനങ്ങളോ ഉണ്ടാകില്ല. പ്രധാനപ്പെട്ട പൊതുമേഖലാ സ്ഥാപനങ്ങൾ, അർദ്ധസർക്കാർ, സ്വകാര്യ സ്ഥാപനങ്ങൾ, ഫാക്ടറികൾ, ഓട്ടോ, ടാക്‌സി, ടെമ്പോ, ലോറി സ്​റ്റാന്റുകൾ, പ്രധാനപ്പെട്ട കവലകൾ, വിവിധ പഞ്ചായത്ത്, താലൂക്ക്, മുനിസിപ്പൽ ആസ്ഥാനങ്ങൾ എന്നിവിടങ്ങളിൽ മുഖാവരണം ധരിച്ചുകൊണ്ട് ഐ.എൻ.ടി.യു.സി പ്രവർത്തകർ ത്രി​വർണപതാക ഉയർത്തും. ജില്ലയിൽ ആയിരത്തി ഒന്ന് കേന്ദ്രങ്ങളിൽ ഐ.എൻ.ടി​.യു.സി സംസ്ഥാന, ജില്ലാ, റീജി​യണൽ, മണ്ഡലം കമ്മിറ്റി ഭാരവാഹികൾ, വിവിധ ഐ.എൻ.ടി.യി.സി യൂണിയൻ ഭാരവാഹികൾ എന്നിവർ മേയ് ദിന ആചരണത്തിന് നേതൃത്വം നൽകുമെന്നും ജി.ബൈജു അറിയിച്ചു.