ന്യൂ​ഡ​ൽ​ഹി​:​ ​കൊ​വി​ഡ് -19​ ​പ​ട​രു​ന്ന​ ​സാ​ഹ​ച​ര്യ​ത്തി​ൽ​ ​പ്ര​തി​രോ​ധ​ശേ​ഷി​ ​വ​ർ​ദ്ധി​പ്പി​ക്കാ​ൻ​ ​ആ​യു​ർ​വേ​ദ​ ​വി​ധി​പ്ര​കാ​രം​ ​സ്വ​യം​പ​രി​ച​ര​ണ​ ​മാ​ർ​ഗ​നി​ർ​ദേ​ശ​ങ്ങ​ൾ​ ​പു​റ​പ്പെ​ടു​വി​ച്ച് ​ആ​യു​ഷ് ​മ​ന്ത്രാ​ല​യം.​ ​ദി​ന​ച​ര്യ​യി​ലും​ ​ഋ​തു​ച​ര്യ​യി​ലും​ ​(​ ​കാ​ലാ​വ​സ്ഥ​യ്ക്ക് ​അ​നു​സ​രി​ച്ച് ​ജീ​വി​ത​ശൈ​ലി​യി​ലെ​)​ ​മാ​റ്റം​ ​വ​രു​ത്തി​ ​പ്ര​തി​രോ​ധ​ശേ​ഷി​ ​വ​ർ​ദ്ധി​പ്പി​ക്കാ​മെ​ന്ന് ​നി​ർ​ദേ​ശി​ക്കു​ന്ന​ ​ആ​യു​ഷ്,​ ​കൊ​വി​ഡ് 19​തി​നെ​തി​രെ​യു​ള്ള​ ​ചി​കി​ത്സ​യാ​യി​ ​ഇ​തി​നെ​ ​കാ​ണ​രു​തെ​ന്നും​ ​മാ​ർ​ഗ​നി​ർ​ദേ​ശ​ത്തി​ൽ​ ​പ​റ​യു​ന്നു.​ ​കോ​ട്ട​യ്ക്ക​ൽ​ ​ആ​ര്യ​വൈ​ദ്യ​ശാ​ല​യി​ലെ​ ​പി.​എം.​ ​വാ​രി​യ​ർ,​ ​കോ​യ​മ്പ​ത്തൂ​ർ​ ​ആ​ര്യ​വൈ​ദ്യ​ ​ഫാ​ർ​മ​സി​യി​ലെ​ ​പി.​ആ​ർ.​ ​കൃ​ഷ്ണ​കു​മാ​ർ​ ​ഉ​ൾ​പ്പെ​ടെ​ ​രാ​ജ്യ​ത്തെ​ ​പ​തി​നാ​റ് ​പ്ര​മു​ഖ​ ​ആ​യു​ർ​വേ​ദ​ ​വൈ​ദ്യ​ന്മാ​രു​ടെ​ ​നി​ർ​ദേ​ശ​മ​നു​സ​രി​ച്ചാ​ണ് ​മ​ന്ത്രാ​ല​യം​ ​പ്ര​തി​രോ​ധ​ന​ട​പ​ടി​ക​ൾ​ ​ശു​പാ​ർ​ശ​ചെ​യ്ത​ത്.

ദിനചര്യയിൽ ഉൾപ്പെടുത്തേണ്ടവ

• ചൂടുള്ള വെള്ളം തുടർച്ചയായി കുടിക്കുക.
• ദിവസം 30 മിനിറ്റെങ്കിലും യോഗ, പ്രാണായാമം, ധ്യാനം എന്നിവ പരിശീലിക്കുക.
• ഭക്ഷണം പാചകംചെയ്യുമ്പോൾ മഞ്ഞൾ, ജീരകം, മല്ലി, വെളുത്തുള്ളി തുടങ്ങിയ സുഗന്ധവ്യഞ്ജനങ്ങൾ ചേർക്കുക.

പ്രതിരോധശേഷി വർദ്ധിപ്പിക്കാൻ

• രാവിലെ 10 ഗ്രാം ച്യവനപ്രാശം കഴിക്കുക. പ്രമേഹമുള്ളവർ പഞ്ചസാര രഹിത ച്യവനപ്രാശം കഴിക്കണം.
• തുളസി, കറുകപ്പട്ട, കുരുമുളക്, ചുക്ക്, ഉണക്കമുന്തിരി എന്നിവ ചേർത്ത ഹെർബൽ ടീ ദിവസം ഒന്നോ രണ്ടോ തവണ കുടിക്കുക. ആവശ്യമെങ്കിൽ ശർക്കരയും നാരങ്ങാനീരും ചേർക്കാം.
• ചൂടുള്ള 150 മില്ലിഗ്രാം പാലിൽ അരസ്പൂൺ മഞ്ഞൾപ്പൊടി കലർത്തി ദിവസം ഒന്നോ രണ്ടോ തവണ കുടിക്കുക.

ലളിതമായ ആയുർവേദ ചികിത്സകൾ

• രാവിലെയും വൈകിട്ടും എള്ളെണ്ണ/ വെളിച്ചെണ്ണ അല്ലെങ്കിൽ നെയ്യ് (പ്രതിമർശ നസ്യം) നാസാരന്ധ്രങ്ങളിൽ ഒഴിക്കുക.
• ഒരു സ്പൂൺ എള്ളെണ്ണയോ വെളിച്ചെണ്ണയോ വായിൽ ഒഴിച്ച് രണ്ട്മൂന്ന് മിനിറ്റ് കുലുക്കുഴിഞ്ഞശേഷം തുപ്പിക്കളയുക. ഇറക്കരുത്. തുടർന്ന് ചെറു ചൂടുവെള്ളത്തിൽ വായ കഴുകുക. ഇത് ദിവസം ഒന്നോ രണ്ടോ തവണ ചെയ്യാം.

വരണ്ട ചുമയ്ക്കും തൊണ്ടവേദനയ്ക്കും

• പുതിന ഇലയോ, അയമോദകമോ വെള്ളത്തിലിട്ടു തിളപ്പിച്ചശേഷം ദിവസത്തിൽ ഒരുനേരം ആവി പിടിക്കുക.
• ചുമയോ, തൊണ്ടയിൽ അസ്വസ്ഥതയോ ഉള്ളപ്പോൾ ഗ്രാമ്പൂ പൊടിച്ച് ശർക്കരയോ തേനോ ചേർത്ത് ദിവസം രണ്ടോ
• മൂന്നോ തവണ കഴിക്കുക.
• രോഗലക്ഷണങ്ങൾ തുടർന്നാൽ ഡോക്ടറെ കാണണം.