ന്യൂഡൽഹി: കൊവിഡ് പ്രതിസന്ധി നേരിടാൻ സംസ്ഥാനങ്ങൾക്ക് അടിയന്തരമായി കേന്ദ്ര സർക്കാർ 17,287.08 കോടിയുടെ സാമ്പത്തിക സഹായം അനുവദിച്ചു. കേരളം അടക്കം 14 സംസ്ഥാനങ്ങൾക്ക് 15-ാം ധനകാര്യ കമ്മിഷൻശുപാർശ പ്രകാരമുള്ള വരുമാന കമ്മി ഗ്രാൻഡ് ഇനത്തിൽ 6,195.08 കോടിരൂപയും എല്ലാ സംസ്ഥാനങ്ങൾക്കുമായി ദേശീയ ദുരന്തനിവാരണ ഫണ്ടിൽ നിന്നുള്ള തുകയുടെ മുൻകൂർ കേന്ദ്ര വിഹിതമായ 11,092 കോടി രൂപയും അടക്കമാണ് ധന സഹായം അനുവദിച്ചതെന്ന് ധനകാര്യ മന്ത്രാലയം അറിയിച്ചു. കേരളത്തിന് പുറമെ ആന്ധ്ര, ആസം, ഹിമാചൽ പ്രദേശ്, മണിപ്പൂർ, മേഘാലയ, മിസോറാം, നാഗലാൻഡ്, സിക്കിം, പഞ്ചാബ്, തമിഴ്നാട്, ത്രിപുര, ഉത്തരാഖണ്ഡ്, പശ്‌ചിമ ബംഗാൾ സംസ്ഥാനങ്ങൾക്കാണ് അടിയന്തര ഗ്രാൻഡ് ലഭിക്കുക.