ന്യൂഡൽഹി: ഡൽഹിയിൽ മൂന്നു മലയാളി നഴ്‌സുമാർക്ക് കൂടി കൊവിഡ് സ്ഥിരീകരിച്ചു. കുട്ടികളുടെ ആശുപത്രിയായ കലാവതി ആശുപത്രിയിലെ ഒരു മലയാളി നഴ്‌സിനും കിഴക്കൻ ഡൽഹി പട് പട് ഗഞ്ചിലെ സ്വകാര്യ ആശുപത്രിയിലെ രണ്ടു പേർക്കുമാണ് രോഗം സ്ഥിരീകരിച്ചത്. ദിൽഷാദ് ഗാർഡനിലെ സംസ്ഥാന കാൻസർ ഇൻസ്റ്റിറ്റ്യൂട്ടിൽ 9 മലയാളി നഴ്സുമാർക്കും അതിലൊരാളുടെ രണ്ടുവയസുകാരൻ മകനും നേരത്തെ കൊവിഡ് സ്ഥിരീകരിച്ചിരുന്നു.