പെരുമ്പാവൂർ: ഭക്ഷണമില്ലാതെ വലഞ്ഞ് വൃത്തിഹീനമായ ചുറ്റുപാടുകളിൽ താമസിച്ചിരുന്ന 42 അന്യസംസ്ഥാന തൊഴി​ലാളി​കൾക്ക് സർക്കാർ സംരക്ഷണം. ഇവരെ പുതി​യ സ്ഥലത്തേക്ക് മാറ്റി​പ്പാർപ്പി​ച്ചു.

പെരുമ്പാവാവൂർ നഗരമദ്ധ്യത്തിൽ 21ാം വാർഡി​ലാണ് സംഭവം. തലയൊന്നിന് 800 രൂപ ഈടാക്കിയാണ് കെട്ടിട ഉടമയായ കാരോത്തി വീട്ടിൽ ദാവൂദ് ഇബ്രാഹീം തൊഴി​ലാളി​കളെ അനധികൃതമായി തൊഴുത്തിനോട് ചേർന്ന് താമസിപ്പിച്ചിരുന്നത്. ലോക്ക് ഡൗണി​ന് ശേഷം വാടക ഒഴിവാക്കി കൊടുത്തെങ്കിലും ഭക്ഷണമോ ഭക്ഷണസാമഗ്രികളോ ഉടമ നൽകി​യി​ല്ല. അസം, ബംഗാൾ , ഒറീസ സ്വദേശികളാണ് ഇവർ. തുടർന്ന് പൊലീസും തഹസീൽദാർ, ലേബർ ഓഫീസർ, മുനിസിപ്പൽ ചെയർപെഴ്‌സൺ ഉൾപ്പെടെയുളള മുഴുവൻ ഉദ്യോഗസ്ഥരും സ്ഥലത്തെത്തി. ഭക്ഷണം നൽകുന്നതിനും പരിപാലിക്കുന്നതിനും കഴിയില്ലെന്ന് കെട്ടിട ഉടമ ആവർത്തിച്ചതോടെ മുഴുവൻ പേരെയും പെരുമ്പാവൂർ ഗേൾസ് ഹയർ സെക്കൻഡറി സ്‌ക്കൂളിലേക്ക് മാറ്റി​. കെട്ടിട ഉടമയ്‌ക്കെതിരെ കേസുമെടുത്തു. ലോക്ക് ഡൗൺ തീരും വരെ ഇവരെ ഇവി​ടെ താമസിപ്പിക്കും.