ആലുവ: കൊവിഡ് - 19 വ്യാപനവുമായി ബന്ധപ്പെട്ട് സമൂഹ മാദ്ധ്യമങ്ങൾ വഴി വ്യാജസന്ദേശങ്ങൾ പ്രചരിപ്പിച്ച നാല് പേർക്കെതിരെ റൂറൽ ജില്ലയിൽ കേസ്. കോതമംഗലം സ്റ്റേഷനിൽ നെല്ലിക്കുഴി സ്വദേശികളായ അലി, അബൂബക്കർ എന്നിവർക്കെതിരെയും അങ്കമാലിയിൽ റോസിലി, മൂവാറ്റുപുഴയിൽ ദിലീപ് എന്നിവർക്കെതിരെയുമാണ് കേസ്. ജനങ്ങളെ തെറ്റിദ്ധരിപ്പിക്കുകയും, സമൂഹത്തിൽ ആശങ്ക സൃഷ്ടിക്കുകയും ചെയ്തതിനാണ് നടപടി. ഇത്തരക്കാർക്കെതിരെ കർശന നടപടി സ്വീകരിക്കുമെന്നും അന്യസംസ്ഥാന തൊഴിലാളിക്കിടയിൽ പ്രചരിക്കുന്ന വ്യാജ വാർത്തകൾ ശ്രദ്ധയിൽപ്പെട്ടാൽ 9497976005 എന്ന നമ്പരിൽ അറിയിക്കണമെന്നും റൂറൽ ജില്ലാ പൊലിസ് മേധാവി കെ. കാർത്തിക് അറിയിച്ചു. അറിയിക്കുന്നവരുടെ വിവരങ്ങൾ രഹസ്യമായി സൂക്ഷിക്കും.