കൊച്ചി: റേഷൻ കാർഡില്ലാത്ത ആളുകൾക്ക് സൗജന്യ റേഷൻ വാങ്ങുന്നതിനായി നിർദിഷ്ഠ മാതൃകയിലുള്ള സത്യവാങ്മൂലം പൂരിപ്പിച്ച് നൽകണമെന്ന് ജില്ല സപ്ലൈ ഓഫീസർ അറിയിച്ചു. കുടുംബത്തിലെ മുതിർന്ന അംഗമാണ് ഇത്തരത്തിൽ സത്യവാങ്മൂലം നൽകേണ്ടത്. മറ്റൊരിടത്തും റേഷൻ കാർഡിൽ പേര് ഉൾപ്പെട്ടിട്ടില്ലാത്ത കേരളത്തിൽ കുടുംബമായി താമസിക്കുന്ന റേഷൻ കാർഡില്ലാത്ത കുടുംബങ്ങൾക്കാണ് 15 കിലോഗ്രാം അരി സൗജന്യമായി ലഭിക്കുന്നത്. സംസ്ഥാനത്ത് മറ്റൊരു റേഷൻ കാർഡിലും ആ കുടുംബത്തിലെ ഒരു വ്യക്തിയുടെയും പേര് ഉണ്ടായിരിക്കാൻ പാടില്ല.