ആലുവ: ലോക്ക് ഡൗണിനെ തുടർന്ന് റേഷൻ കാർഡില്ലാത്തവർക്കും റേഷൻ ആനുകുല്യം നൽകുമെന്ന സർക്കാർ പ്രഖ്യാപനം നടപ്പാക്കിയില്ലെന്ന പരാതിയിന്മേൽ അടിയന്തര നടപടിയെടുക്കാൻ ഭക്ഷ്യവകുപ്പ് സെക്രട്ടറിക്ക് നിർദ്ദേശം നൽകിയതായി മുഖ്യമന്ത്രി പിണറായി വിജയൻ അറിയിച്ചു. ഇത് സംബന്ധിച്ച് അൻവർ സാദത്ത് എം.എൽ.എ നൽകിയ പരാതിയെ തുടർന്നാണ് അടിയന്തര നടപടി. കോൺവെന്റുകൾ, അഗതി മന്ദിരങ്ങൾ, അനാഥാലയങ്ങൾ, വയോജന മന്ദിരങ്ങൾ, സോഷ്യൽ സെന്ററുകൾ എന്നിവയ്ക്കും സൗജന്യ റേഷൻ അനുവദിക്കുന്നതിന് അടിയന്തര നടപടികൾ സ്വീകരിക്കണമെന്നും കത്തിൽ ആവശ്യപ്പെട്ടിരുന്നു.