മൂവാറ്റുപുഴ:കുവൈറ്റിലുള്ളഇന്ത്യാക്കാരെനാട്ടിലെത്തിക്കുന്നതിനുള്ളനടപടികൾസ്വീകരിക്കണമെന്നാവശ്യപ്പെട്ട് ഡീൻ കുര്യാക്കോസ് എം.പി. വിദേശ കാര്യമന്ത്രി എസ്. ജയശങ്കറിനും കുവൈറ്റ് അബാസിഡർ കെ. ജീവ സാഗറിനനും കത്ത് നൽകി. കുവൈറ്റിൽ ഒരു മാസത്തോളമായി കർഫ്യു നടപ്പാക്കിക്കൊണ്ടിരിക്കുന്ന സാഹചര്യത്തിൽ സാധാരണ തൊഴിലാളികളും പൊതുമാപ്പ് ലഭിച്ചവരും വരുമാനമാർഗമില്ലാതെ കഷ്ടപ്പെടുകയാണ്. കിട്ടുന്ന ശമ്പളം അപ്പപ്പോൾ നാട്ടിലേക്ക് അയച്ചു കൊടുക്കേണ്ടതുള്ളതിനാൽ പലരും നിത്യവൃത്തിക്കുള്ള പണം കയ്യിലില്ലാതെ ദുരിതത്തിലാണ്. തൊഴിലാളികൾക്ക് കിടക്കാൻ മാത്രം ഉള്ള ബെഡ്സ്പൈസ് മാത്രമാണുള്ളത്. ജോലിക്ക് പോയി വരുന്ന അവസരങ്ങളിൽ വിശ്രമിക്കാൻ അത് ധാരാളവുമായിരുന്നു. വേണ്ടത്ര ഭക്ഷണവും മരുന്നും ലഭിക്കാത്തതിനാൽ ഭൂരിഭാഗം തൊഴിലാളികളും മാനസിക സംഘർഷത്തിലാണ്. ഈജിപ്റ്റ്, യു.കെ, ഫ്രാൻസ് ഫിലിപ്പിൻസ്, ലബനൻ, ഉൾപ്പെടെയുള്ള രാജ്യങ്ങളിലുള്ള പൗരൻമാരെ ആ രാജ്യങ്ങൾ ഇടപെട്ട് നാട്ടിലെത്തിച്ച പോലെ കുവെെറ്റിലുള്ള നമ്മുടെ പൗരൻമാരെ നാട്ടിലെത്തിക്കുന്നതിന് സർക്കാർ അടിയന്തിര നടപടികൾ സ്വീകരിക്കണമെന്നും എം.പി. കത്തിലൂടെ ആവശ്യപ്പെട്ടു.