കൊച്ചി : കൊച്ചിയൊന്ന് ചുറ്റിക്കാണണം. പിന്നെ, കേരള വിഭവങ്ങളുടെ സ്വാദിൽ ലയിക്കണം. ഈ രണ്ട് ആഗ്രഹങ്ങളുമായാണ് ബ്രിട്ടീഷ് പൗരനായ ഫ്രാങ്ക് ഹരോൾഡും സുഹൃത്ത് സാലി ലൂയീസും നെടുമ്പാശേരിലേക്ക് വിമാനം കയറിയത്. കൊവിഡ് കാര്യങ്ങൾ മാറ്റി മറിച്ചു. 28 ദിവസം ചെറായിലെ ഹോംസ്റ്റേയിൽ നിരീക്ഷണ കാലം. ദിവസങ്ങൾക്ക് മുമ്പ് അത് പൂർത്തിയായി. നാട്ടിലേക്കുള്ള മടക്കം പക്ഷേ തീരുമാനമായില്ല. ഇതോടെ, ഇരുവരും ഹോം സ്റ്റേയിൽ കൃഷിയോട് കൃഷിയാണ്. വാഴും ചീരയുമൊക്കെ നട്ടിട്ടുണ്ട്.

ബ്രിട്ടണിലെ യോക്‌ഷെർ സ്വദേശികളാണ് 59കാരായ ഫ്രാങ്കും സാലിയും. അവി​ടെ ഒരു ഫാമിൽ തന്നെയാണ് രണ്ട് പേർക്കും ജോലി. നിരീക്ഷണ കാലയളവി​ൽ ഏതാണ്ട് മുറി​ക്കുള്ളി​ൽ തന്നെ കഴി​ഞ്ഞു. പൂർത്തിയായ ശേഷവും ആദ്യം വെറുതെയി​രുന്നു. അഞ്ച് ദിവസം മുമ്പ് ഒഴിഞ്ഞു കിടക്കുന്ന പറമ്പിൽ കൃഷി ചെയ്തോട്ടെയെന്നായി​ ഹോംസ്റ്റേ ഉടമ ധനേഷിനോട് ഫ്രാങ്കി​ന്റെ ചോദ്യം.

പറമ്പിൽ ഒരു വശത്ത് നിന്നിരുന്ന വാഴക്കൂട്ടത്തിൽ നിന്നും പത്ത് വാഴക്കണ്ണുകൾ പി​രി​ച്ച് നട്ടു. ധനേഷ് കൊടുത്ത ചീരവിത്തും ഇടയ്ക്ക് പാകി. രണ്ട് നേരം വെള്ളമൊഴിച്ചും മുളപൊട്ടുന്നത് നോക്കി​യും കണ്ണി​ലെണ്ണയൊഴി​ച്ച് കൃഷി​ പരി​പാലി​ക്കുകയാണ് ഇരുവരും. കുറച്ചു കൂടി​ പച്ചക്കറി വിത്തുകൾ നടാനും പ്ളാനുണ്ട്.

സന്തോഷം മാത്രം

നാട്ടി​ലെ ഫാമിൽ കൃഷിയോടൊപ്പം പശുക്കളെയും മറ്റും പരിപാലിക്കാറുണ്ട്. കോവി​ഡ് പ്രശ്നത്തി​ൽ വെറുതേയി​രുന്നു മുഷി​ഞ്ഞു.

കൃഷി​ തുടങ്ങി​യതോടെ സന്തോഷമായി​.

ഫ്രാങ്ക്, സാലി

അവർ ഹാപ്പിയാണ്

കൃഷിയിൽ അവർ ഹാപ്പിയാണ്. ശരിക്കും ലോക്ക് ഡൗൺ ആഘോഷിക്കുകയാണ് ഇരുവരും.

ധനേഷ്

ഹോം സ്റ്റേ ഉടമ