കൊച്ചി: കുരിശിൽ യേശുക്രിസ്തുവിന് പകരം നഗ്‌ന യുവതിയുടെ ചിത്രം വച്ച് സമൂഹമാധ്യമങ്ങളിൽ പ്രചാരണം നടത്തിയ മലപ്പുറം നിലമ്പൂർ ചേലാട് കനത്ത മണിയാണി വീട്ടിൽ ജ്യോതിഷനെ (23) സെൻട്രൽ പൊലീസ് അറസ്സ്‌റ്റു ചെയ്‌തു. ക്രിസ്ത്യൻ വിശ്വാസികളുടെ പ്രധാനപ്പെട്ട ദിവസങ്ങളിൽ അവർക്കിടയിൽ മതസ്പർദ്ധയുണ്ടാക്കുന്ന വിധത്തിലുള്ള പോസ്റ്റാണ് പ്രതി സോഷ്യൽ മീഡിയ വഴി പ്രചരിപ്പിച്ചത്. സിറ്റി പൊലീസ് കമ്മിഷണർക്ക് ലഭിച്ച പരാതിയെതുടർന്ന് സെൻട്രൽ പൊലീസ് കേസ് രജിസ്റ്റർ ചെയ്യുകയായിരുന്നു. ഡെപ്യൂട്ടി പൊലീസ് കമ്മിഷണർ ജി.പൂങ്കുഴലി ,എറണാകുളം അസി കമ്മിഷണർ കെ.ലാൽജി സെൻട്രൽ പൊലീസ് സ്റ്റേഷൻ ഇൻസ്‌പെക്ടർ വിജയ്ശങ്കർ എന്നിവരുടെ നേതൃത്വത്തിലുള്ള അന്വേഷണ സംഘമാണ് മലപ്പുറത്തുനിന്ന് പ്രതിയെ അറസ്റ്റ് ചെയ്തത്.