കോലഞ്ചേരി: ഐരാപുരം കുഴൂരിൽ തീ പിടുത്തം. ഇന്നലെ ഉച്ചക്ക് ഒന്നരക്കായിരുന്നു സംഭവം. പാറത്തട്ടയിൽ രാഘവൻ്റെ പന്ത്രണ്ട് ഏക്കറേളം വരുന്ന സ്ഥലത്തിൻ്റെ അഞ്ച് സെൻ്റ് സ്ഥലത്ത് കൂട്ടിയിട്ടിരുന്ന മാലിന്യങ്ങൾക്കാണ് തീ പിടിച്ചത്. സമീപവാസികൾ അറിയിച്ചതനുസരിച്ച് സ്ഥലത്തെത്തിയ പട്ടിമ​റ്റം ഫയർഫോഴ്‌സ് തീയണച്ചു. അസിസ്റ്റൻ്റ് സ്റ്റേഷൻ ഓഫീസർ കെ.പി മോഹനൻ്റെ നേതൃത്വത്തിൽ എം.സി ബേബി, ബിബിൻ എ.തങ്കപ്പൻ, എൽദോസ് മാത്യു, പോൾ മാത്യു, പി.എസ് ഉമേഷ്, കെ.വി ജോണി എന്നിവരാണ് പങ്കെടുത്തത്.