കോലഞ്ചേരി: തീ കെടുത്തണം, മരുന്നെത്തിക്കണം പട്ടിമറ്റം ഫയർഫോഴ്സ് തിരക്കിലാണ്. ഇന്നലെ രാവിലെ 9 ന് പൂതൃക്ക പാലയ്ക്കാമ​റ്റം ഷെജി പോളിന്റെ വീട്ടിലെ ഗാർഹിക ഉപയോഗത്തിനുള്ള ഗ്യാസ് സിലിണ്ടർ ചോർന്ന് തീപിടിച്ചു. വീട്ടുകാർ തീയണക്കാൻ ശ്രമിച്ചെങ്കിലും കഴിയാതെ ആളിപ്പടർന്ന തീ പട്ടിമ​റ്റം ഫയർ ഫോഴ്‌സ് ജീവനക്കാർ അണച്ചു.കോട്ടയം മെഡിക്കൽ കോളേജിൽ നിന്നുള്ള ജീവൻ രക്ഷാ മരുന്നുകൾ മുവാ​റ്റുപുഴ സ്റ്റേഷനിൽ നിന്നും വാങ്ങി പെരിങ്ങാല, കടയിരുപ്പ് സ്വദേശികൾക്ക് കൈമാറി.വിവിധ പ്രവർത്തനങ്ങൾക്ക് സ്റ്റേഷൻ ഓഫീസർ ​ടി.സി സാജു,സീനിയർ ഫയർ ആൻഡ് റെസ്‌ക്യു ഓഫീസർ എം.ജി ബിജു , ഫയർ ഓഫീസർമാരായ കെ.എ ഉബാസ് ,വിഷ്ണു രാജ്,സിജാസ്, ഹോം ഗാർഡ് എം.വി യോഹന്നാൻ എന്നിവർ നേതൃത്വം നൽകി.