തൃപ്പൂണിത്തുറ: അയൽപക്കത്തെ പലചരക്ക് കടകളി​ലേക്ക് മടങ്ങി​യെത്തുകയാണ് പലരും. വൻകിടമാളുകളടക്കമുള്ള ഭക്ഷ്യസാധനങ്ങൾ വിൽക്കുന്ന കടകൾ അടച്ചു പൂട്ടുകയും നി​യന്ത്രണങ്ങൾ ഏർപ്പെടുത്തുകയും ചെയ്തപ്പോൾ നഗരങ്ങളിലും ഗ്രാമങ്ങളിലും സമ്പന്നർക്കും സാധാരണക്കാർക്കും ആശ്രയമായത് വീടിനു സമീപത്തെ ചെറിയ പലചരക്കുകടകളാണ്.

ഒരു കാലത്ത് ഇത്തരം ചെറിയ കടകളായിരുന്നു നാട്ടിലെ സൂപ്പർ മാർക്കറ്റുകൾ. വൻകിട കമ്പനികളുടെ ഹൈപ്പർ മാർക്കറ്റും സൂപ്പർ മാർക്കറ്റും വന്നതോടെ പലരും വഴി​​മാറി​

വീട്ടുമുറ്റത്തെ ഈ കടയിലേയ്ക്ക് ഇതുവരെ തിരിഞ്ഞു നോക്കാത്തവർ ഇപ്പോൾ വീണ്ടും ഈ കടകളിലെത്തി സാധനങ്ങൾ വാങ്ങുവാൻ തുടങ്ങിയത് മാറ്റത്തിന് തുടക്കമിട്ടു.വാഹനങ്ങളിൽ നഗരത്തിൽ പോകാൻ കഴിയാത്തതും കാരണമായി​.തിരക്കില്ലാത്ത കടകളിൽ സാമൂഹ്യ അകലം പാലിച്ച് സാധനങ്ങൾ സുരക്ഷിതമായി വാങ്ങുവാൻ കഴിയുമെന്നതാണ് വീടിനടുത്തുള്ള ചെറിയ കടകളിലേക്ക് ആകർഷിച്ചത്.മാളുകളിൽ കി​ട്ടുന്ന ജങ്ക് ഫുഡ്സ് ഈകടകളി​ൽ കി​ട്ടി​ല്ല. ദിവസങ്ങൾ കഴിഞ്ഞപ്പോൾ അത് പരിചയമായി

.അനാവശ്യവാങ്ങലുകൾ കുറഞ്ഞതോടെ കുടുംബ ചെലവ് കുറഞ്ഞു.

ഇത് വരുമാനമില്ലാത്ത സമയത്ത് പല കുടുംബങ്ങൾക്കും അനുഗ്രഹമായി.

പല കടകളിലും ഇപ്പോൾ 50 മുതൽ 200 വരെ പുതിയ ഉപഭോക്താക്കളെ ലഭിച്ചു

നാട്ടിലെ ഈ കടകളെ ഇനിയാരും പൂർണമായി​ കൈയൊഴിയാൻ സാദ്ധ്യതയില്ല.

. ചില വ്യാപാരികൾ പലവ്യഞ്ജനങ്ങളും പച്ചക്കറികളും വീടുകളിൽ എത്തിച്ചു കൊടുക്കുന്നുണ്ട്