തൃപ്പൂണിത്തുറ: കൊവിഡ് -19 പ്രതിരോധ പ്രവർത്തനങ്ങൾക്കായി മുഖ്യമന്ത്രിയുടെ ദുരിതാശ്വാസ നിധിയിലേക്ക് തൃപ്പൂണിത്തുറ പീപ്പിൾസ് അർബൻ സഹകരണ ബാങ്കിന്റെ 10,​00,​000 രൂപയും ഭരണസമിതി അംഗങ്ങളുടെ സിറ്റിംഗ് ഫീസും​ ജീവനക്കാരിൽ നിന്നും സമാഹരിച്ച തുകയുമടക്കം 30,​96,​502 രൂപ നൽകി. ബാങ്കിന്റെ ഹെഡ്ഓഫീസിൽ നടന്ന ചടങ്ങിൽ ബാങ്ക് ചെയർമാൻ സി.എൻ. സുന്ദരൻ അഡ്വ. എം. സ്വരാജ് എം.എൽ.എയ്ക്ക് തുക കൈമാറി. എറണാകുളം സഹകരണസംഘം ജോയിന്റ് രജിസ്ട്രാർ സുരേഷ് മാധവൻ,​ കണയന്നൂർ സഹകരണസംഘം അസിസ്റ്റന്റ് രജിസ്ട്രാർ പി.ജി. രാജൻ,​ ബാങ്ക് ജനറൽ മാനേജർ കെ. ജയപ്രസാദ് എന്നിവർ സന്നിഹിതരായിരുന്നു.