കോലഞ്ചേരി: പെൻഷൻ ലഭിക്കാനായി കടമ്പകൾ കടക്കണം. അടിയന്തര ആശ്വാസമെന്ന നിലയിലാണ് തൊഴിലാളികൾക്കായി സർക്കാർ ധനസഹായം പ്രഖ്യാപിച്ചത്. കേരള പ്രവാസി കേരളീയ ക്ഷേമനിധിയിൽ നിന്നു നിലവിൽ പെൻഷൻ വാങ്ങുന്നവർക്ക് അടിയന്തര സഹായമായി 1000 രൂപ ലഭിക്കും. ക്ഷേമനിധി അടച്ചുകൊണ്ടിരിക്കുന്ന അംഗം കൊവിഡ് പോസി​റ്റീവ് ആയാൽ 10000 രൂപ. രോഗം സ്ഥിരീകരിച്ചു വിദേശ രാജ്യത്തു നിന്ന് മടങ്ങിയെത്തിയാൽ 10000, ജനുവരിയിൽ വിദേശത്തു നിന്നെത്തി ലോക്ക് ഡൗൺ കാരണം തിരിച്ചു പോകാൻ കഴിയാത്തവർക്ക് നോർക്ക റൂട്ട്‌സ് വഴി 5000 രൂപ. ഈ കാലയളവിൽ വിസാ കാലാവധി അധികരിച്ചവർക്കും 5000 രൂപ. വിശദവിവരങ്ങൾക്ക് www.norkaroots.org, 04712770515, 0471 2770557, 9447619. അസംഘടിത തൊഴിലാളി സാമൂഹിക സുരക്ഷാ പദ്ധതിയിൽ രജിസ്​റ്റർ ചെയ്ത സജീവ അംഗങ്ങൾക്ക് അപേക്ഷിക്കാം. tvmksuwssb2020@gmail.com.സ്വയം തൊഴിൽ ചെയ്യുന്നവർ, കടകളിലെ ജീവനക്കാർക്ക് 1000 രൂപ ഷോപ്‌സ് ആൻഡ് എസ്​റ്റാബ്ലിഷ്‌മെന്റ് ക്ഷേമനിധി അംഗങ്ങൾക്ക് ധനസഹായം.

#ചെറുകിട മേഖലയ്ക്ക് 1000 രൂപ

ചെറുകിട-വൻകിട ഫാക്ടറി തൊഴിലാളികൾ, സഹകരണ ആശുപത്രി ജീവനക്കാർ, മ​റ്റ് സഹകരണ സ്ഥാപനങ്ങളിലെ തൊഴിലാളികൾ, തോട്ടങ്ങളിൽ സർക്കാർ ആനുകൂല്യങ്ങൾ ലഭിക്കാത്ത തൊഴിലാളികൾ എന്നിവർക്ക് അപേക്ഷിക്കാം. www.labourwelfarefund.in

#കലാകാരൻമാർക്ക് 1000 രൂപ

സിനിമ,നാടകം,സംഗീതം, ചിത്രകല,നാടൻപാട്ട്,നാടോടി കലാരൂപങ്ങൾ,സാഹിത്യം തുടങ്ങി എല്ലാ മേഖലയിലെയും കലാകാരൻമാർ. സാംസ്‌കാരിക ക്ഷേമനിധിയിൽ അംഗങ്ങളല്ലാത്ത കലാകാരന്മാർക്കുള്ള സഹായം culturedirectorate.kerala.gov.in. എന്ന വെബ്‌സൈ​റ്റിലൂടെ ഓൺലൈനായി അപേക്ഷിക്കാം.

#അവശ കലാകാരൻമാർക്ക് 1000 രൂപ

കഷ്ടടയനുഭവിക്കുന്ന നാടൻ കലാകാരൻമാർക്ക് പ്രതിമാസം 1000 രൂപ.അപേക്ഷ നൽകേണ്ടത് ഫോക്‌ലോർ അക്കാഡമി മുഖേനെ www.keralafolkloreacademy.com അപേക്ഷ ഡൗൺലോഡ് ചെയ്യാം.

#സിനിമ, ടെലിവിഷൻ കലാകാരൻമാർക്ക് 1000 രൂപ

സിനിമ, ടെലിവിഷൻ കലാപ്രവർത്തനം ഉപജീവനമായി സ്വീകരിച്ചു 10 വർഷം പരിചയമുള്ള കലാകാരൻമാർക്കും അനുബന്ധ പ്രവർത്തകർക്കും. കേരളത്തിൽ സ്ഥിരതാസമക്കാരായിരിക്കണം. അപേക്ഷ പൂരിപ്പിച്ച് ഓൺലൈനായി സമർപ്പിക്കണം www.keralafilim.com

#കള്ള്‌ചെത്ത്, ഷാപ്പ് തൊഴിലാളികൾക്ക് 5000

തൊഴിൽ നഷ്ടപ്പെട്ട രജിസ്​റ്റേർഡ് ചെത്ത് തൊഴിലാളികൾക്കും ഷാപ്പ് ജീവനക്കാർക്കും ക്ഷേമനിധി ബോർഡിലേക്ക് വിഹിതം അടച്ചുകൊണ്ടിരിക്കുന്നർക്കും 30നു മുമ്പ് ജില്ലാ വെൽഫെയർ ഇൻസ്‌പെക്ടർക്ക് ഇമെയിൽ മുഖേനെ അപേക്ഷ സമർപ്പിക്കാം. www.toddyworkerswelfare.kerala.gov.in