കോലഞ്ചേരി: കൊവിഡ്-19 പാട്ടു വണ്ടിയുമായി കുന്നത്തുനാട് പൊലീസ്. വീടിനു പുറത്തിറങ്ങാതെ വിരസതയനുഭവിക്കുന്നവർക്ക് ബോധവത്കരണവും വിനോദവുമായാണ് സഞ്ചരിക്കുന്ന പാട്ടു വണ്ടിയുമായി പൊലീസ് സ്റ്റേഷൻ പരിധിയിൽ പര്യടനം നടത്തിയത്. കുന്നത്ത്കുടി കോളനിയിൽ സി.ഐ വി.ടി ഷാജൻ ഉദ്ഘാടനം ചെയ്തു.റെഡ് ക്രോസ് സൊസൈ​റ്റി കോലഞ്ചേരി യൂണി​റ്റുമായി സഹകരിച്ച് വിവിധ ഹൗസിംഗ് കോളനികളും ടൗണുകളും കേന്ദ്രീകരിച്ച് നടന്ന പരിപാടി ജനങ്ങൾക്കിടയിൽ വൻ സ്വീകാര്യതയായിരുന്നു. യൂണി​റ്റ് ചെയർമാൻ രഞ്ജിത് പോൾ, ഭാരവാഹികളായ ജെയിംസ് പാറേക്കാട്ടിൽ, സുജിത് പോൾ, ജിബു ജോർജ്, പോൾസൺ പോൾ, അജു കെ പോൾ, അനിൽ കെ ചെറിയാൻ എന്നിവർ നേതൃത്വം നൽകി.