മൂവാറ്റുപുഴ: മഞ്ഞള്ളൂർ ഗ്രാമപഞ്ചായത്തിലെ അന്യസംസ്ഥാന തൊഴിലാളികൾക്ക് ഭക്ഷണകിറ്റുകൾ വിതരണം ചെയ്തു. സർക്കാർ നൽകുന്ന പലവ്യജ്ഞനവും ആട്ടയോടുമൊപ്പം വിവിധ സംഘടനകളിൽ നിന്നും സ്വരൂപിച്ച അരി, കിഴങ്ങ്, സവാള, എണ്ണ ഉൾപ്പെടെയുള്ള ഭക്ഷ്യ കിറ്റുകളാണ് നൽകിയത്. കിറ്റുകളുടെ വിതരണോദ്ഘാടനം എൽദോ എബ്രഹാം, എം.എൽ.എ നിർവഹിച്ചു. മൂവാറ്റുപുഴ ആർ.ഡി.ഒ സാബു.കെ.ഐസക്ക്, പഞ്ചായത്ത് പ്രസിഡൻ്റ് എൻ. ജെ.ജോർജ്, മർച്ചന്റ്‌സ് അസോസിയേഷൻ പ്രസിഡൻ്റ് തോമസ് വർഗീസ്, പൈനാപ്പിൾ മർച്ചന്റ്‌സ് അസോസിയേഷൻ പ്രസിഡൻ്റ് ജോസ് പെരുമ്പിള്ളിക്കുന്നേൽ, പൈനാപ്പിൾ ഫാർമേഴ്‌സ് അസോസിയേഷൻ സെക്രട്ടറി ജോജോ ജോസഫ്, പഞ്ചായത്ത് മെമ്പർമാരായ സാബു പുന്നക്കുന്നേൽ, ഇ കെ സുരേഷ്, റെനീഷ് റെജിമോൻ, ലിസി ജോണി, റൂബി തോമസ് തുടങ്ങിയവർ പങ്കെടുത്തു. വാഴക്കുളം മർച്ചന്റ്‌സ് അസോസിയേഷൻ, പൈനാപ്പിൾ മർച്ചന്റ്‌സ് അസോസിയേഷൻ, പൈനാപ്പിൾ ഫാർമേഴ്‌സ് അസോസിയേഷൻ, 751ാം നമ്പർ സർവീസ് സഹകരണ ബാങ്ക്, വിവിധ സന്നദ്ധസംഘടനകൾ തുടങ്ങിയവയുടെ സഹകരണത്തോടെയാണ് പദ്ധതി നടപ്പിലാക്കിയത്.