മൂവാറ്റുപുഴ: കൊവിഡ് 19ന്റെ പശ്ചാത്തലത്തിൽ പ്രതിസന്ധി നേരിടുന്ന മാദ്ധ്യമ പ്രവർത്തകർക്ക് എൽദോ എബ്രഹാം എം.എൽ.എ ഭക്ഷ്യധാന്യക്കിറ്റുകൾ വിതരണം ചെയ്തു. മൂവാറ്റുപുഴ, വാഴക്കുളം, പോത്താനിക്കാട് പ്രദേശങ്ങളിലെ പത്രദൃശ്യ മാദ്ധ്യമപ്രവർത്തകർക്കാണ് സഹായം ലഭ്യമാക്കിയത്. പ്രസ് ക്ലബ്ബ് ഹാളിൽ നടന്ന ലളിതമായ ചടങ്ങിൽ എൽദോ എബ്രഹാം എം.എൽ.എ ഉദ്ഘാടനം ചെയ്തു. പ്രസ് ക്ലബ്ബ് പ്രസിഡന്റ് ടി.എസ്.ദിൽരാജ്, സെക്രട്ടറി പി.എസ്.രാജേഷ്, വൈസ്പ്രസിഡന്റ് കെ.എം.ഫൈസൽ, ജോയിന്റ് സെക്രട്ടറി അബ്ബാസ് ഇടപ്പിള്ളി തുടങ്ങിയവർ പങ്കെടുത്തു .