കിഴക്കമ്പലം:കൊവിഡ് പശ്ചാതലത്തിൽ പ്രവാസികളെ നാട്ടിൽ തിരിച്ചെത്തിക്കണമെന്നും കേന്ദ്ര സർക്കാരിന്റെ പ്രവാസി വിരുദ്ധ പ്രവർത്തനങ്ങളിൽ എതിർപ്പും രേഖപ്പെടുത്തി കേരള പ്രവാസി സംഘം കോലഞ്ചേരി ഏരിയ കമ്മറ്റിയുടെ ആഭിമുഖ്യത്തിൽ പെരിങ്ങാല പള്ളിക്കര, പട്ടിമറ്റം, കോലഞ്ചേരി എന്നീ മേഖലകളിൽ പ്രതിഷേധം നടത്തി. വിവിധ കേന്ദ്രങ്ങളിൽ ഏരിയ സെക്രട്ടറി നിസാർ ഇബ്രാഹിം. പ്രസിഡന്റ് ജോഷി വർഗീസ്, ടി.സി മുഹമ്മദ്, അന്തിലു, അബൂബക്കർ, ടി.പി ഷാജഹാൻ, ടോജി തോമസ്, ആന്റപ്പൻ,പി.എം കരിം,പി.കെ ബഷീർ, വട്ടവിള അബൂബക്കർ തുടങ്ങിയവർ പങ്കെടുത്തു.