കൊച്ചി : കൊവിഡ് പ്രതിരോധത്തിന്റെ ഭാഗമായി രോഗികളുടെ വിവരങ്ങൾ ശേഖരിക്കാനും വിശകലനം ചെയ്യാനും സംസ്ഥാന സർക്കാർ അമേരിക്കൻ കമ്പനിയായ സ്‌പ്രിൻക്ലറുമായി ഉണ്ടാക്കിയ കരാറിന് കർശന ഉപാധികളോടെ ഹൈക്കോടതി അനുമതി നൽകി. സർക്കാർ കാര്യങ്ങൾ കൈകാര്യം ചെയ്ത രീതിയിൽ തൃപ്തിയില്ലെങ്കിലും കൊവിഡിനെതിരായ പോരാട്ടത്തെ തളർത്താൻ കോടതി ആഗ്രഹിക്കുന്നില്ലെന്ന് വ്യക്തമാക്കിയാണ് ജസ്റ്റിസ് ദേവൻ രാമചന്ദ്രൻ അദ്ധ്യക്ഷനും ജസ്റ്റിസ് ടി. ആർ രവി അംഗവുമായ ഡിവിഷൻ ബഞ്ച് കരാറിന് അനുമതി നൽകിയത്.

സ്‌പ്രിൻക്ളർ ഇല്ലാതെ കൊവിഡിനെ നേരിടാൻ കഴിയില്ലെന്നാണ് സർക്കാർ പറയുന്നത്. എന്നാൽ കോടതിക്ക് പൊതുജനതാല്പര്യം സംരക്ഷിക്കേണ്ടതുണ്ട്. കൊവിഡ് രോഗികളുടെ വിവരങ്ങൾ ഡേറ്റ വിശകലനത്തിനായി സ്‌പ്രിൻക്ളർ കമ്പനിക്ക് കൈമാറുമ്പോൾ വിവരദാതാവിന്റെ അനുമതി വാങ്ങിയിരിക്കണം. വ്യക്തികളെ തിരിച്ചറിയാൻ കഴിയുന്ന വിവരങ്ങൾ സർക്കാർ രഹസ്യമാക്കി വേണം ഡേറ്റ കമ്പനിക്ക് കൈമാറുന്നത്. സ്‌പ്രിൻക്ലർ കമ്പനി ഈ ഡേറ്റ മറ്റാർക്കും കൈമാറരുതെന്നും വിശകലനത്തിനു ശേഷം ഡേറ്റ സർക്കാരിനു തിരിച്ചുനൽകണമെന്നും ഡിവിഷൻ ബെഞ്ചിന്റെ ഇടക്കാല ഉത്തരവിൽ പറയുന്നു.

സ്‌പ്രിൻക്ളർ കരാറിനെതിരെ പ്രതിപക്ഷ നേതാവ് രമേശ് ചെന്നിത്തല, ബി.ജെ.പി സംസ്ഥാന പ്രസിഡന്റ് കെ. സുരേന്ദ്രൻ, തിരുവനന്തപുരം സ്വദേശി ബാലു ഗോപാലകൃഷ്‌ണൻ, പരിസ്ഥിതി പ്രവർത്തകൻ സി.ആർ. നീലകണ്ഠൻ, ജ്യോതികുമാർ ചാമക്കാല തുടങ്ങിയവർ നൽകിയ ഹർജികളിലാണ് ഉത്തരവ്. മൂന്നാഴ്ച കഴിഞ്ഞു വീണ്ടും ഹർജികൾ പരിഗണിക്കും. എതിർകക്ഷികൾക്ക് വിശദീകരണം സമർപ്പിക്കാമെന്നും ഉത്തരവിൽ പറയുന്നു.

സ്പ്രിൻക്ലർകേസിൽ സർക്കാരിന് വേണ്ടി അഡി. എ.ജി. ജി.രവീന്ദ്രനാഥും സുപ്രീംകോടതി അഭിഭാഷകയായ എൻ.എസ് നപ്പിനൈയും ഹാജരായി

കോടതിയുടെ ഉപാധികൾ

കൊവിഡ് രോഗികളിൽ നിന്ന് ശേഖരിച്ച വിവരങ്ങൾ വ്യക്തികളെ തിരിച്ചറിയാൻ കഴിയാത്തവിധത്തിൽ രഹസ്യ സ്വഭാവത്തിലുള്ളതാക്കണം. അതിനുശേഷമേ സ്‌പ്രിൻക്ളർ കമ്പനിയെ പരിശോധനയ്ക്ക് അനുവദിക്കാവൂ.

 ഡേറ്റ അവലോകനത്തിനായി സ്‌പ്രിൻക്ളർ കമ്പനിക്ക് കൈമാറുമെന്ന കാര്യം സർക്കാർ വിവരദാതാവിനെ ധരിപ്പിച്ച് കരാറിലോ ഫോമിലോ അനുമതി വാങ്ങണം.

 ഡേറ്റയുടെ രഹസ്യസ്വഭാവം നഷ്ടപ്പെടുത്തുന്ന തരത്തിൽ നേരിട്ടോ പരോക്ഷമായോ സ്‌പ്രിൻക്ളർ കമ്പനി ഇടപെടരുത്.

ഡേറ്റ പൂർണമായോ ഭാഗികമായോ കമ്പനി ലോകത്തെവിടെയുമുള്ള മൂന്നാമതൊരു കക്ഷിക്ക് കൈമാറുകയോ വെളിപ്പെടുത്തുകയോ ചെയ്യരുത്.

 േഡറ്റയുടെ സ്വകാര്യത ഉറപ്പാക്കുന്ന വ്യവസ്ഥകൾക്കു വിരുദ്ധമായി നേരിട്ടോ അല്ലാതെയോ സ്‌പ്രിൻക്ളർ ഇവ ഉപയോഗിക്കരുത്.

 വിശകലനം പൂർത്തിയായാലുടൻ ഡേറ്റ സർക്കാരിന് തിരിച്ചുനൽകണം.

 സ്‌പ്രിൻക്ളറിന്റെ കൈവശം ഏതെങ്കിലും തരത്തിൽ സെക്കൻഡറി ഡേറ്റയോ മറ്റ് ഡേറ്റയോ ഉണ്ടെങ്കിൽ ഉടൻ സർക്കാരിന് കൈമാറണം.

 കേരളത്തിലെ കൊവിഡ് രോഗികളുടെ വിവരങ്ങൾ കൈവശമുണ്ടെന്ന് സ്‌പ്രിൻക്ളർ കമ്പനി പരസ്യപ്രചരണം നടത്തരുത്. ഇവ സാമ്പത്തിക നേട്ടത്തിനായി ഉപയോഗിക്കരുത്.

 സ്‌പ്രിൻക്ളർ കമ്പനി സർക്കാരിന്റെ പേരോ ഒൗദ്യോഗിക മുദ്രയോ ഉപയോഗിക്കരുത്.

ക​രാ​റു​മാ​യി​ ​മു​ന്നോ​ട്ടെ​ന്ന് ​മു​ഖ്യ​മ​ന്ത്രി

തി​രു​വ​ന​ന്ത​പു​രം​:​ ​സ്പ്രി​ൻ​ക്ല​ർ​ ​ഇ​ട​പാ​ടി​ൽ​ ​ഹൈ​ക്കോ​ട​തി​യു​ടെ​ ​ഇ​ട​ക്കാ​ല​ ​ഉ​ത്ത​ര​വ് ​സം​സ്ഥാ​ന​ ​സ​ർ​ക്കാ​രി​ന്റെ​ ​നി​ല​പാ​ടി​നെ​ ​ശ​ക്തി​പ്പെ​ടു​ത്തു​ന്ന​താ​ണ്.​ ​ക​രാ​റ​നു​സ​രി​ച്ച് ​കാ​ര്യ​ങ്ങ​ൾ​ ​നീ​ക്കും.​ ​ഡേ​റ്റാ​ ​സു​ര​ക്ഷി​ത​ത്വം​ ​ഉ​റ​പ്പാ​ക്കാ​ൻ​ ​ശ​ക്ത​മാ​യ​ ​ന​ട​പ​ടി​യെ​ടു​ക്കും.
പ്ര​തി​പ​ക്ഷ​ത്തി​ന്റെ​ ​ഹ​ർ​ജി​യി​ലെ​ ​പ്ര​ധാ​ന​ ​ആ​വ​ശ്യം​ ​ക​രാ​ർ​ ​റ​ദ്ദാ​ക്കു​ക​യോ​ ​സ്റ്റേ​ ​ചെ​യ്യു​ക​യോ​ ​വേ​ണ​മെ​ന്നാ​ണ്.​ ​ര​ണ്ടും​ ​കോ​ട​തി​ ​സ്വീ​ക​രി​ച്ചി​ല്ല.​ ​ഡേ​റ്റാ​ ​സു​ര​ക്ഷ​യു​ടെ​ ​കാ​ര്യ​ത്തി​ൽ​ ​ഒ​രാ​ശ​യ​ക്കു​ഴ​പ്പ​വു​മി​ല്ല.​ ​വി​ധി​യു​ടെ​ ​പ​ക​ർ​പ്പ് ​കി​ട്ടി​യി​ട്ട് ​കൂ​ടു​ത​ൽ​ ​കാ​ര്യ​ങ്ങ​ൾ​ ​പ​റ​യാം.

-​മു​ഖ്യ​മ​ന്ത്രി​ ​പി​ണ​റാ​യി​ ​വി​ജ​യൻ

ക​രാ​ർ​ ​റ​ദ്ദാ​ക്ക​ണം​:​ ​ചെ​ന്നി​ത്തല

​​​​​​​​​​​​​​​​​​​​​​തി​രു​വ​ന​ന്ത​പു​രം​:​ ​സ്പ്രി​ൻ​ക്ള​ർ​ ​കേ​സി​ൽ​ ​പ്ര​തി​പ​ക്ഷം​ ​ഉ​ന്ന​യി​ച്ച​ ​കാ​ര്യ​ങ്ങ​ളെ​ല്ലാം​ ​അ​തീ​വ​ഗൗ​ര​വ​മെ​ന്ന് ​കോ​ട​തി​ ​അം​ഗീ​ക​രി​ച്ചി​രി​ക്കു​ക​യാ​ണെ​ന്ന് ​പ്ര​തി​പ​ക്ഷ​ ​നേ​താ​വ് ​ര​മേ​ശ് ​ചെ​ന്നി​ത്ത​ല​ ​പ​റ​ഞ്ഞു.​ ​ഇ​ട​ക്കാ​ല​ ​ഉ​ത്ത​ര​വി​നെ​ ​സ്വാ​ഗ​തം​ ​ചെ​യ്യു​ന്നു.​ ​ധാ​ർ​മ്മി​ക​ത​യു​ണ്ടെ​ങ്കി​ൽ​ ​സ്പ്രി​ൻ​ക്ള​റു​മാ​യു​ള്ള​ ​ക​രാ​ർ​ ​സ​ർ​ക്കാ​ർ​ ​റ​ദ്ദാ​ക്ക​ണം.​ ​കോ​ട​തി​യു​ടെ​ ​പ​രാ​മ​ർ​ശ​ങ്ങ​ളും​ ​വാ​ക്കാ​ലു​ള്ള​ ​നി​ർ​ദ്ദേ​ശ​ങ്ങ​ളും​ ​ക​ണ​ക്കി​ലെ​ടു​ത്താ​ൽ​ ​ക​രാ​റു​മാ​യി​ ​മു​ന്നോ​ട്ടു​ ​പോ​കാ​ൻ​ ​സ​ർ​ക്കാ​രി​ന് ​ധാ​ർ​മ്മി​ക​മാ​യ​ ​അ​വ​കാ​ശ​മി​ല്ല.