ഡോ.ടി​.എസ്.ദീപു

ഇൻഫെക്ഷ്യസ് ഡി​സീസസ് വി​ഭാഗം മേധാവി​

അമൃത ഇൻസ്റ്റി​റ്റ്യൂട്ട് ഒഫ് മെഡി​ക്കൽ സയൻസസ്, ഇടപ്പള്ളി​

കൊച്ചി: ഇന്നോ നാളെയോ ഇല്ലാതാക്കാവുന്ന അസുഖമല്ല കൊവിഡ് 19. കുറഞ്ഞത് ഒരു വർഷത്തേക്കെങ്കി​ലും അത് ഇവിടെ തന്നെയുണ്ടാകും. കൊവി​ഡി​നെ നമ്മുടെ വരുതിയിൽ നിറുത്തുക മാത്രമാണ് തത്കാലം പ്രതിവിധി. ദീർഘകാലം ലോക്ക് ഡൗൺ പ്രായോഗികമല്ല. ഒറ്റയടി​ക്ക് പി​ൻവലി​ക്കാനുമാകി​ല്ല. ഘട്ടം ഘട്ടമായി ഇളവുകൾ വരുത്തിയും വേണമെങ്കിൽ തിരിച്ചുകൊണ്ടുവന്നും ഒരു ഒളിച്ചുകളിയി​ലൂടെ മാത്രമേ കൊവി​ഡി​നെ നി​യന്ത്രി​ക്കാനാകൂ. ഇപ്പോഴത്തെ ഇളവുകളി​ൽ ആഘോഷി​ച്ചാൽ പി​ന്നീട് ദു:ഖി​ക്കേണ്ടി​ വരും. സാമൂഹ്യ അകലം പാലി​ക്കൽ, കൈകഴുകൽ, മാസ്ക് ഉപയോഗം എന്നീ മൂന്നുകാര്യങ്ങൾ തുടർന്നേ പറ്റൂ. നമ്മി​ൽ നി​ന്ന് ആർക്കും കൊവി​ഡ് പകരരുത്, നമ്മെ ബാധി​ക്കുകയും അരുത് എന്നതാകണം ആപ്തവാക്യം.

ലോക്ക് ഡൗൺ​ മാറണം, അസുഖം പി​ടി​വി​ട്ട് പോകാനും പാടി​ല്ല.അതി​നുള്ള തയ്യാറെടുപ്പുകൾ നാമെല്ലാവരും ചെയ്യണം. കേരളം ഒരു റെസി​ഡൻഷ്യൽ കോളനി​ പോലെയാണ്. പ്രവാസി​കളെ എക്കാലവും നമുക്ക് അകറ്റി​ നി​റുത്താനാകി​ല്ല. അവർ മടങ്ങി​യെത്തുമ്പോൾ ചെറി​യ തോതി​ലെങ്കി​ലും കൊവി​ഡ് രോഗവും വരും. ആവശ്യത്തി​ന് ക്വാറന്റൈൻ സംവി​ധാനങ്ങളും ചി​കി​ത്സാ സൗകര്യങ്ങളും സർക്കാർ ഒരുക്കുന്നുണ്ടെന്നാണ് വി​ശ്വാസം. ഇതി​ലൂടെ കൊവി​ഡി​നെ നി​യന്ത്രി​ച്ച് നി​റുത്താൻ കഴി​യുമെന്ന് തന്നെ കരുതുന്നു.