കൊച്ചി: വായ്പകൾക്ക് റിസർവ് ബാങ്ക് അനുവദിച്ച മൊറട്ടോറിയം കാലാവധി അധികപലിശയോ പിഴ പലിശയോ ഈടാക്കാതെ ഒരു വർഷത്തേക്ക് നീട്ടി നൽകണമെന്ന് ഹൈബി ഈഡൻ എം.പി ആവശ്യപ്പെട്ടു.പ്രധാനമന്ത്രി, കേന്ദ്ര ധനകാര്യ മന്ത്രി, റിസർവ്വ് ബാങ്ക് ഗവർണർ എന്നിവർക്ക് കത്ത് നല്കി.

ലോകം മുഴുവൻ വലിയ സാമ്പത്തീക പ്രതിസന്ധി നേരിടുകയാണ്. സമാന സാഹചര്യം നമ്മുടെ രാജ്യത്തുമുണ്ട്. ഉപജീവനത്തിനും ഭവന നിർമ്മാണത്തിനും മക്കളുടെ വിവാഹവശ്യങ്ങൾക്കെല്ലാമായി ലോൺ എടുത്തിരിക്കുന്നവരാണ് വലിയ പ്രതിസന്ധിയിലാകുന്നത്. ഈ ആഘാതത്തിൽ നിന്ന് തിരികെ കയറണമെങ്കിൽ കൂടുതൽ സമയം വേണ്ടി വരുമെന്ന് ഹൈബി ഈഡൻ പറഞ്ഞു.