മൂവാറ്റുപുഴ: കൊവിഡ് 19ന്റെ പശ്ചാത്തലത്തിൽ പ്രതിസന്ധി നേരിടുന്ന മാദ്ധ്യമ പ്രവർത്തകർക്ക് കടാതി റൂറൽ സഹകരണ ബാങ്കിന്റെ നേതത്വത്തിൽ ഭക്ഷ്യധാന്യക്കിറ്റുകൾ വിതരണം ചെയ്തു. മൂവാറ്റുപുഴയിലെ പത്രദൃശ്യ മാധ്യമപ്രവർത്തകർക്കാണ് സഹായം നൽകിയത് . പ്രസ് ക്ലബ്ബ് ഹാളിൽ നടന്ന ലളിതമായ ചടങ്ങിൽ ബാങ്ക് പ്രസിഡന്റ് പി.പി.എൽദോസ് കിറ്റിന്റെ വിതരണോദ്ഘാടനം നിർവഹിച്ചു. പ്രസ് ക്ലബ്ബ് പ്രസിഡന്റ് ടി.എസ്.ദിൽരാജ്, സെക്രട്ടറി പി.എസ്.രാജേഷ്, വൈസ്പ്രസിഡന്റ് കെ.എം.ഫൈസൽ, ജോയിന്റ് സെക്രട്ടറി അബ്ബാസ് ഇടപ്പിള്ളി തുടങ്ങിയവർ പങ്കെടുത്തു.