കൊച്ചി: ചെന്നൈയിൽ നിന്നെത്തിയ കുടുംബത്തെ തമ്മനത്തെ ഫ്‌ളാറ്റിൽ റസിഡന്റ്‌സ് അസോസിയേഷൻ ഒറ്റപ്പെടുത്തുന്നുവെന്ന വാർത്തയിൽ കൂടുതൽ അന്വേഷണം നടത്താൻ ജില്ലാ ഭരണകൂടം പൊലീസിനു നിർദ്ദേശം നൽകി.

റസിഡന്റ് അസോസിയേഷന്റെ നടപടി മനുഷ്യത്വരഹിതമാണെന്ന് കളക്ടർ എസ്.സുഹാസ് പറഞ്ഞു. മലയാളികൾക്കാകെ നാണക്കേടുണ്ടാക്കുന്ന സംഭവമാണിത്. ഇത്തരത്തിൽ പെരുമാറുന്നവർക്കെതിരെ ശക്തമായ നിയമനടപടികൾ സ്വീകരിക്കുമെന്നും കളക്ടർ അറിയിച്ചു.

ഒരു മാസം മുമ്പാണ് ഗർഭിണിയടക്കമുള്ള കുടുബം ചെന്നൈയിൽ നിന്നും എത്തിയത്. ഇവരോട് ലിഫ്റ്റ് ഉപയോഗിക്കരുതെന്നും മാലിന്യം പൊതു ബാസ്‌ക്കറ്റിൽ നിക്ഷേപിക്കരുതെന്നുമുള്ള നിർദ്ദേശങ്ങളാണ് റസിഡന്റ്സ് അസോസിയേഷൻ നൽകിയത്.