കൊച്ചി:എറണാകുളം പാർലമെന്റ് മണ്ഡലത്തിലെ അനാഥാലയങ്ങൾക്കും അഗതി മന്ദിരങ്ങൾക്കും ഹൈബി ഈഡൻ എം.പി നൽകുന്ന ഭക്ഷ്യ ധാന്യ കിറ്റ് വിതരണം ആരംഭിച്ചു. മുത്തൂറ്റ് എം. ജോർജ് ഗ്രൂപ്പ് സ്‌പോണ്‌സർ ചെയ്ത കിറ്റുകളാണ് ആദ്യ ദിനം വിതരണം ചെയ്തത്. ഒരാഴ്ച്ചത്തേക്ക് ആവശ്യമായ ഭക്ഷ്യ ധാന്യങ്ങളാണ് വിതരണം ചെയ്യുന്നത്. അരി, ആട്ട, വെളിച്ചെണ്ണ, തേയില, പഞ്ചസാര, സവാള, ഉരുളക്കിഴങ്ങ് എന്നിവയാണ് കിറ്റിലുള്ളത്. വരും ദിവസങ്ങളിൽ വിതരണം തുടരുമെന്ന് ഹൈബി ഈഡൻ എം. പി പറഞ്ഞു. മുത്തൂറ്റ് എം. ജോർജ്,സി.എസ്. ആർ ഹെഡ് ബാബു ജോൺ മലയിൽ എന്നിവർ സന്നിഹിതനായിരുന്നു.