തമിഴ്‌നാട്: തമിഴ്നാട്ടിൽ രോഗ ബാധിതരുടെ എണ്ണം 2,000 കടക്കുമ്പോൾ 121 കുട്ടികൾക്ക് കൊവിഡ് 19 സ്ഥിരീകരിച്ചു. കൊവിഡ് കേസുകളുടെ എണ്ണം 2,058 ആയി ഉയർന്നതായി സംസ്ഥാന ആരോഗ്യ വകുപ്പ് അറിയിച്ചു. ഇപ്പോൾ തമിഴ്‌നാട് ആരോഗ്യവകുപ്പ് പുറത്തുവിട്ട കണക്കുകൾ പ്രകാരം 12 വയസ്സിന് താഴെയുള്ള 121 കുട്ടികളിൽ കൊവിഡ് -19 സ്ഥിരീകരിച്ചു.

സംസ്ഥാനത്ത് കഴിഞ്ഞ 24 മണിക്കൂറിനുള്ളിൽ 103 പുതിയ കേസുകൾ ചെന്നൈയിൽ റിപ്പോർട്ട് ചെയ്തു. ചെന്നൈ നഗരത്തിൽ രോഗബാധിതരുടെ എണ്ണം ഇതോടെ 673 ആയി. ഏപ്രിൽ 28 വരെ 1,128 കൊവിഡ് രോഗികൾ തമിഴ്‌നാട് സംസ്ഥാനത്ത് സുഖം പ്രാപിച്ചു. ഇതിൽ 24 പേരെ കഴിഞ്ഞ 24 മണിക്കൂറിനുള്ളിൽ ഡിസ്ചാർജ് ചെയ്തു. കൊവിഡ് ബാധിച്ച് കഴിഞ്ഞ ദിവസം ഒരാൾ കൂടി മരിച്ചതോടെ തമിഴ്‌നാട്ടിലെ മരണസംഖ്യ 25 ആയി ഉയർന്നു. കേസുകളുടെ കാഠിന്യത്തിന്റെ അടിസ്ഥാനത്തിൽ ജില്ലകളെ കളർ കോഡ് ചെയ്ത മേഖലകളായി (പച്ച, ഓറഞ്ച്, ചുവപ്പ്) വിഭജിച്ചു.

കഴിഞ്ഞ 28 ദിവസത്തിനുള്ളിൽ പുതിയ കേസുകളൊന്നും റിപ്പോർട്ട് ചെയ്തിട്ടില്ലാത്ത ഹരിതമേഖലയിൽ കൃഷ്ണഗിരി മാത്രമേ സംസ്ഥാനത്ത് ഉള്ളൂ. അതേസമയം, ഓറഞ്ച് മേഖലയിൽ 15 ൽ താഴെ കേസുകളുള്ള ഏഴ് ജില്ലകളുണ്ട്, ബാക്കി 29 ജില്ലകൾ റെഡ് സോണിന്റെ പരിധിയിൽ വരുന്നു. ഈ ജില്ലകളിൽ നിന്ന് 15 ലധികം കേസുകൾ റിപ്പോർട്ട് ചെയ്യപ്പെട്ടിട്ടുണ്ട്.