കൊച്ചി: കൊവിഡ് നിയന്ത്രണങ്ങൾ നിലനിൽക്കുന്ന സാഹചര്യത്തിൽ മേയ് ആറിന് തിരുവനന്തപുരം ശാന്തിഗിരി ആശ്രമത്തിൽ നടക്കേണ്ട നവഒലി ജ്യോതിർദിനത്തോടനുബന്ധിച്ചുള്ള ആഘോഷങ്ങൾ മാറ്റി. ഈ ചെലവ് കൊണ്ട് ശാന്തിഗിരി ഒരുലക്ഷം പേർക്ക് ഭക്ഷണം നൽകും.

നവഒലി ജ്യോതിർദിനത്തോടനുബന്ധിച്ച് എല്ലാവർഷവും എറണാകുളം ജില്ലയിൽ നടക്കുന്ന സത്‌സംഗങ്ങളും ജില്ലാസമ്മേളനവും കുടുംബസംഗമങ്ങളും ശാന്തിയാത്രയും മാറ്റി. ഇതിന്റെ ഭാഗമായി പതിനയ്യായിരം പേർക്കുള്ള ഭക്ഷണം ജില്ലയിലെ സമൂഹ അടുക്കള വഴി മേയ് അഞ്ച്, ആറ് തീയതികളിൽ വിതരണം ചെയ്യുമെന്ന് ശാന്തിഗിരി ആശ്രമം എറണാകുളം ഏരിയ ഓഫീസ് ഹെഡ് ജനനി വിജയ ജ്ഞാനതപസ്വിനി അറിയിച്ചു.