ഷൂട്ടിങ്ങ് പൂത്തിയാക്കിയ ഒരു പക്കാ നാടൻ പ്രേമം - സിനിമയുടെ പോസ്റ്റ് പ്രൊഡക്ഷൻ ജോലികൾ ലാബിൽ പുരോഗമിക്കുന്നു. എ എം എസ് പ്രൊഡക്ഷൻസിന്റെ ബാനറിൽ സജാദ് എം നിർമ്മിച്ച 'ഒരു പക്കാ നാടൻ പ്രേമം ' വിനോദ് നെട്ടത്താന്നിയാണ് സംവിധാനം ചെയ്തിരിക്കുന്നത്. മണിമല ഗ്രാമവാസിയായ കണ്ണൻ പല പെൺകുട്ടികളോടും പ്രണയാഭ്യർത്ഥന നടത്തുന്നുവെങ്കിലും അതൊക്കെ പരാജയത്തിൽ കലാശിക്കുകയാണ് ചെയ്യുന്നത്. എങ്കിലും ആ ദൗത്യത്തിൽ നിന്നും പിൻമാറാൻ അയാൾ തയ്യാറാകുന്നില്ല. തുടർന്ന് അയാളുടെ ജീവിതത്തിലുണ്ടാകുന്ന രസകരങ്ങളായ മുഹൂർത്തങ്ങളിലൂടെയാണ് " ഒരു പക്കാ നാടൻ പ്രേമം" സഞ്ചരിക്കുന്നത്.

ഭഗത് മാനുവൽ, വിനു മോഹൻ, മധുപാൽ, ശ്രിജു അരവിന്ദ്, കലാഭവൻ ഹനീഫ്, സിയാദ്, വി പി രാമചന്ദ്രൻ, അംബൂട്ടി, സോളമൻ ചങ്ങനാശ്ശേരി, ടോം ജേക്കബ്ബ്, സുമേഷ്, സതീഷ്ബാബു, കൃഷ്ണൻ പയ്യന്നൂർ, സനത്, അൻസിൽ, അബ്ദുൾ കരീം, ഡ്വായിൻ, സോണി, കൊല്ലം ആനന്ദ്, വിദ്യ വിനു മോഹൻ, ഹരിത, കുളപ്പുള്ളി ലീല, സിന്ധു മനുവർമ്മ, സുനന്ദ, ദീപിക, ശ്രീലക്ഷ്മി, ശ്രുതി എസ് നായർ, ലക്ഷ്മി, ഗ്രേസി, സുറുമി എന്നിവരാണ് ഇതിൽ പ്രധാന കഥാപാത്രങ്ങളെ അവതരിപ്പിക്കുന്നത്ർ.

രചന - വിൻസന്റ് പനങ്കൂടൻ, രാജു സി ചേന്നാട് , സോളമൻ ചങ്ങനാശ്ശേരി, ഛായാഗ്രഹണം - ഉണ്ണി കാരാത്ത്, എഡിറ്റിംഗ് - ജയചന്ദ്രൻ , ഗാനരചന - കൈതപ്രം ദാമോദരൻ നമ്പൂതിരി , കെ ജയകുമാർ ഐ എ എസ്, എങ്ങണ്ടിയൂർ ചന്ദ്രശേഖരൻ, വിനു കൃഷ്ണൻ, സംഗീതം - മോഹൻ സിത്താര , ആലാപനം - കെ ജെ യേശുദാസ് , വിനീത് ശ്രീനിവാസൻ , വിധു പ്രതാപ് , അഫ്സൽ, ജ്യോത്സന, മത്തായി സുനിൽ, ശിക്ക പ്രഭാകർ, പ്രൊ: കൺട്രോളർ- ഹസ്മീർ നേമം, സംവിധാന മേൽനോട്ടം - വിൻസന്റ് പനങ്കൂടാൻ, കല - സജി കോടനാട്, ചമയം - മനീഷ് ബാബു, വസ്ത്രാലങ്കാരം - രാംദാസ് താനൂർ, ഡിസൈൻസ് - സജീവ് വ്യാസ, സഹസംവിധാനം -ശിവക്ക്, സ്റ്റിൽസ് - പവിൻ തൃപ്രയാർ ,പി ആർ ഓ - അജയ് തുണ്ടത്തിൽ. വിനു മോഹൻ :- "ഈ സിനിമയുടെ രചയിതാക്കളിൽ ഒരാളായ വിൻസെന്റ് ചേട്ടനെ എനിക്ക് നേരത്തെ അറിയാം. ഇതിൽ ഗസ്റ്റ് റോളാണെങ്കിലും വിൻസെന്റ് ചേട്ടൻ ഇതിന്റെ കഥയും ഇതിൽ എന്റെ കഥാപാത്രവും എന്നോട് പറഞ്ഞപ്പോൾ തന്നെ എനിക്ക് ഏറെ ഇഷ്ടമായി, അങ്ങിനെയാണ് ഈ സിനിമയിലേക്ക് ഞാൻ എത്തപ്പെട്ടത്.ഇതിൽ എന്റെ കഥാപാത്രം ഒരു ഊമയാണ്. ഞാൻ ആദ്യമായിട്ടാണ് ഇത്തരത്തിലുള്ള വേഷം ചെയ്യുന്നത്. ഈ കഥാപാത്രത്തിന്റെ പ്രത്യേകതയും എന്നെ ഈ സിനിമയിലേക്ക് അടുപ്പിച്ചു " ഭഗത് മാനുവൽ :- "ഇതിൽ ഞാൻ ചെയ്യുന്നത് നെഗറ്റീവ് ടച്ചുള്ള ഒരു കഥാപാത്രമാണ്. മലയോര ഗ്രാമത്തിൽ നടക്കുന്ന സംഭവങ്ങൾ മനോഹരമായി അവതരിപ്പിക്കുന്ന ഒരു സിനിമയാണ് ഒരു നാടൻ പ്രേമ കഥ. ഈ സിനിമയുടെ സ്ക്രിപ്റ്റ് ചെയ്യുന്ന എന്റെ ഏറ്റവും അടുത്ത സ്നേഹിതനായ സോളമൻ ചങ്ങനാശ്ശേരിയാണ് എന്നെ ഇതുമായി ബന്ധിപ്പിച്ചത്. ഇതിൽ എന്റെ ക്യാരക്ടർ സംബന്ധിച്ച് സോളമൻ പറഞ്ഞപ്പോൾ തന്നെ നെഗറ്റീവ് ടച്ചുള്ള കഥാപാത്രം ആയിരിന്നിട്ട് കൂടി ഈ കഥാപാത്രം ചെയ്യാൻ എനിക്ക് താല്പര്യം തോന്നി "