തൊടുപുഴ : ഡീൻ കുര്യാക്കോസ് എം.പിയുടെഅഭ്യർത്ഥന പ്രകാരം സിനിമാ സംവിധായകൻ സോഹൻ റോയി ചെയർമാനായിട്ടുള്ള ഏരീസ് ഗ്രൂപ്പ്, ഇടുക്കി പാർലമെന്റ് മണ്ഡലത്തിലേക്ക് കൊവിഡ് 19 പ്രതിരോധ പ്രവർത്തനത്തിന്റെ ഭാഗമായി ഒരു വെന്റിലേറ്ററും മറ്റു പ്രതിരോധ ഉപകരണങ്ങളും നൽകി. പാർലമെന്റ് മണ്ഡലത്തിലെ എല്ലാ പഞ്ചായത്തിലേക്കും 100 കിലോ അരി വീതവും നൽകും. ഇടുക്കി ജില്ല കളക്ടർ എച്ച്. ദിനേശൻ ഏറ്റുവാങ്ങി. എം.പി ഫണ്ടിൽ നിന്നും വെന്റിലേറ്റർ ഉൾപ്പടെ വാങ്ങുന്നതിനുള്ള നടപടികൾ പൂർത്തീകരിച്ചു വരവെ പുറമേ ഏരീസ് ഗ്രൂപ്പ് ഒരു വെന്റിലേറ്റർ എത്തിച്ചു നൽകിയത് പ്രത്യേക സഹായമായതായി എം.പി പറഞ്ഞു. ദുബായ് ഇൻകാസ് ഭാരവാഹിയായിട്ടുള്ള കട്ടപ്പന സ്വദേശി അമൽ ചെറുചിലപറമ്പിലിന്റെ സഹകരണത്തോടെയാണ് ഇക്കാര്യങ്ങൾ നടപ്പിലാക്കിയത്.