ഇടുക്കി :ജില്ലാ ലീഗൽ സർവീസസ് അതോറിറ്റിയുടെ നേതൃത്വത്തിൽ തൊടുപുഴയിലുള്ള അന്യസംസ്ഥാന തൊഴിലാളികളുടെ ക്യാമ്പുകൾ സന്ദർശിച്ചു. ഗവൺമെന്റ് ഗേൾസ് സ്‌കൂൾ, തൊടുപുഴ ചന്തയിലെ വൈശാലി ഹോട്ടൽ ക്യാമ്പുകളാണ് ജില്ലാ ലീഗൽ സർവീസ് അതോറിറ്റി സെക്രട്ടറിയും സബ് ജഡ്ജുമായ ദിനേശ്. എം. പിള്ളയുടെ നേതൃത്വത്തിലുള്ള സംഘം സന്ദർശിച്ചത്. സ്‌കൂൾ കെട്ടിടത്തിന്റെ പണിയുമായി ബന്ധപ്പെട്ട 35 ഓളം അന്യസംസ്ഥാന തൊഴിലാളികൾ സൂകൂൾ ക്യാമ്പിലും വൈശാലി ഹോട്ടൽ കെട്ടിടത്തിൽ നൂറോളം തൊഴിലാളികളും ഉണ്ട്. സ്‌കൂളിലെ താമസക്കാർക്ക് ഉടനെ നാട്ടിൽ പോകണം എന്നല്ലാതെ ഭക്ഷണത്തിനോ മറ്റ് കാര്യങ്ങൾക്കോ പരാതി പറഞ്ഞിട്ടില്ലെന്ന് ദിനേശ് എം.പിള്ള പറഞ്ഞു . ഡോക്ടറെത്തി വൈദ്യ പരിശോധന നടത്തിയിരുന്നതായും അദ്ദേഹം പറഞ്ഞു. വൈശാലി കെട്ടിടത്തിൽ തൊടുപുഴ ചന്തയിലെ വിവിധ സ്ഥാപനങ്ങളിൽ ജോലി ചെയ്തിരുന്നവരാണ് താമസിക്കുന്നത്. അവരിൽ ഭൂരിപക്ഷത്തിനും നിലവിൽ ജോലി ഇല്ലാത്ത അവസ്ഥയിലാണ്. ഇവർക്ക് ഭക്ഷ്യവസ്തുക്കളുടെ ലഭ്യതയിൽ കുറവുള്ളതായി പറഞ്ഞു. ജില്ലാ ലേബർ ഓഫീസറുമായി ഫോണിൽ സംസാരിച്ചതിൽ, അദ്ദേഹം തൊഴിലാളികളുടെ കോൺട്രാക്ടറുമായി ബന്ധപ്പെട്ട് തൊഴിലാളികൾക്ക് ആവശ്യമായ സാധനങ്ങൾ നൽകിയിട്ടുണ്ടെന്നു, എന്തെങ്കിലും കുറവ് ഉണ്ടെങ്കിൽ അത് പരിഹരിച്ചു കൊള്ളാം എന്നും ഉറപ്പുനൽകി. അടിയന്തിരമായ പ്രശ്‌നത്തിൽ പരിഹാരമുണ്ടാകണമെന്ന് ജില്ലാ ലേബർ ഓഫീസറോട് നിർദേശിട്ടച്ചിട്ടുണ്ടെന്നും ദിനേശ്.എം.പിള്ള പറഞ്ഞു.