ഇടുക്കി : കൊറോണക്കാലത്തു വീട്ടിലിരുന്നുള്ള സർഗാത്മക പ്രവർത്തനം പ്രോത്സാഹിപ്പിക്കാൻ അതിജീവനത്തിന്റെ കോവിഡ് എന്ന വിഷയത്തിൽ ജില്ലാ ദുരന്ത നിവാരണ അതോറിറ്റിയും സന്നദ്ധ സംഘടനകളുടെ ജില്ലാതല കൂട്ടായ്മയായ ഇടുക്കി ഐ.എ.ജി യും സംയുക്തമായി കുട്ടികൾക്കായി ഓൺലൈൻ മത്സരം 'കല്ലു പെൻസിൽ'
സംഘടിപ്പിക്കുന്നു. പേര്, വിലാസം, വയസ്സ് തെളിയിക്കുന്നതിന് ആധാർ അല്ലേങ്കിൽ ഫോട്ടൊ പതിച്ച തിരിച്ചറിയൽ കാർഡിന്റെ പകർപ്പ് എന്നിവയേതെങ്കിലും ഒന്ന് രചനയ്‌ക്കൊപ്പം അപ്ലോഡ് ചെയ്യണം. ജില്ലയിൽ നിന്നുള്ളവരായിരിക്കണം. അഞ്ചു വയസ്സു മുതൽ 10 വയസ്സുവരെ, 11 മുതൽ 15 വരെ, 16 മുതൽ 20 വയസ്സ് വരെ എന്നിങ്ങനെ ഗ്രൂപ്പ് തിരിച്ചാണ് മത്സരം. ഫോട്ടോഗ്രാഫി, കഥാകവിത രചന, പോസ്റ്റർ നിർമാണം, ടിക്‌ടോക്ക് വീഡിയോസ് തുടങ്ങിയവയാണ് മത്സരങ്ങൾ. രചനകളും വീഡിയോകളും 9383463036 എന്ന വാട്‌സാപ്പ് നമ്പറിൽ ഏപ്രിൽ 30 നകം അയക്കണം. വിജയികളുടെ സൃഷ്ടികൾക്ക്സമ്മാനവും ജില്ലാ കളക്ടറുടെ ഫേസ്ബുക്ക് പേജിൽ പ്രസിദ്ധീകരിക്കും.