കുമളി :കുമളി ടൗണിൽ അവശ്യസാധനങ്ങൾ വിൽക്കുന്ന കടകൾ, പഴം പച്ചക്കറിക്കടകൾ, മെഡിക്കൽ ഷോപ്പുകൾ, പെട്രോൾ പമ്പുകൾ തുടങ്ങിയവ ഒഴികെ ബേക്കറികൾ ഉൾപ്പെടെ മറ്റെല്ലാ കടകളും അടയ്ക്കാൻ ജില്ലാ കളക്ടർ ഉത്തരവിട്ടു. ഹോട്ടലുകളിൽ പാഴ്‌സൽ മാത്രമെ നൽകാൻ പാടുള്ളു. കമ്പം, തേനി മേഖലയിൽ കൊവിഡ് പടരുന്ന സാഹചര്യത്തിലും അനധികൃത മാർഗങ്ങളിലൂടെ കടന്നുകയറ്റം ശ്രദ്ധയിൽപ്പെട്ട സാഹചര്യത്തിലുമാണ് കർശന നടപടി വേണ്ടിവന്നത്.