കട്ടപ്പന: ലോക്ക് ഡൗൺ തുടരുന്നതിനാൽ എംപ്ലോയ്‌മെന്റ് എക്‌സ്‌ചേഞ്ചുകൾ വഴിയുള്ള സേവനങ്ങൾക്ക് ക്രമീകരണങ്ങൾ ഏർപ്പെടുത്തി. രജിസ്‌ട്രേഷൻ, പുതുക്കൽ, സർട്ടിഫിക്കറ്റ് ചേർക്കൽ, തൊഴിൽ പരിചയ സർട്ടിഫിക്കറ്റ് ചേർക്കൽ തുടങ്ങിയവ www.eemployment.kerala.gov.in എന്ന വെബ്‌സൈറ്റ് വഴി ഓൺലൈനായി നടത്താം. അസൽ സർട്ടിഫിക്കറ്റുകൾ അതാതു എംപ്ലോയ്‌മെന്റ് എക്‌സ്‌ചേഞ്ചിൽ ഓഗസ്റ്റ് 27നകം ഹാജരാക്കിയാൽ മതിയാകും. 2020 ജനുവരി മുതൽ 2020 മെയ് വരെയുള്ള മാസങ്ങളിലെ രജിസ്‌ട്രേഷൻ പുതുക്കൽ ഓഗസ്റ്റ് വരെ നീട്ടി. കൂടാതെ അതാതു എക്‌സ്‌ചേഞ്ചുകളിൽ ഫോണിൽ ബന്ധപ്പെട്ടും രജിസ്‌ടേഷൻ പുതുക്കാം.