ഇടുക്കി: എക്‌സൈസ് ഡിവിഷനിൽ ലോക്ക് ഡൗൺ കാലയളവായ മാർച്ച് 25 മുതൽ ഏപ്രിൽ 28 വരെ 70 കേസുകൾ രജിസ്റ്റർ ചെയ്തു. 62 അബ്കാരി കേസുകളിൽ 42 പ്രതികളെയും 8 എൻ.ഡി.പി.എസ് കേസുകളിൽ 6 പ്രതികളെയും അറസറ്റ് ചെയ്തു. തൊണ്ടി മുതലായി 11915 ലിറ്റർ കോട, 46.400 ലിറ്റർ ചാരായം, 34 ലിറ്റർ വ്യാജമദ്യം, 11.200 ലിറ്റർ അരിഷ്ടം, 700 മില്ലി ലിറ്റർ ഇന്ത്യൻ നിർമ്മിത വിദേശ മദ്യം (ഐ.എം.എഫ്.എൽ), 1.613 കിലോ കഞ്ചാവ്, 8 കഞ്ചാവ് ചെടികൾ എന്നിവ പിടിച്ചെടുത്തതായി എക്സൈസ് അധികൃതർ അറിയിച്ചു..